SHAKAWN KUNGDAWN 17:3 - Jinghpaw Hanson Version Bible

³ Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

Jinghpaw Common Language Bible 2009

³ Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 17:3 ပူးပေါင်းရင်းမြစ်များ

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

YOBA 24:14

Masha sat ai wa gaw nhtoi htoi yang rawt nna, nni nkri hkrum ai ni hte matsan mayan ni hpe sat kau nga ai: shana e rai yang lagu lagut tai nga ai.

SHAKAWN KUNGDAWN 11:5

Yehowa dinghpring ai ni hpe dinglik yu nna, Tara n lang ai wa hte kashun kashe tsaw ai wa hpe, Shi a myit masin n dawng nga mu ai.

SHAKAWN KUNGDAWN 119:106

Na a dingman ai tara dara ai lam hpe hkan nang na, Ngai dagam da nna galaw ngut se ai.

SHAKAWN KUNGDAWN 139:1

Yehowa e, nang ngai hpe manaw yu nna chye nga ndai.

SHAKAWN KUNGDAWN 139:23

Karai Wa e, ngai hpe manaw yu nna, Nye a myit mang ai lam hpe chye ya e; Ngai hpe dinglik yu nna, ngai myit ai hku hpe chye ya e.

SHAKAWN KUNGDAWN 16:7

Ngai hpe hpaji daw ya ai Yehowa hpe ngai sha-a na nngai, Shana e pyi nye a myit masin ngai hpe sharin ya nga ai.

SHAKAWN KUNGDAWN 26:2

Yehowa e, ngai hpe dinglik yu nna chyam yu e, Nye a nhkyun ni hte masin salum hpe manaw yu u.

SHAKAWN KUNGDAWN 39:1

“Nye a shinglet hte ngai n shut nga n ga, Nye a lam ngai sadi nga na nngai; Tara n lang ai wa nye a man e naw nga nga yang, Nye a n-gup ngai hkang da na we ai,” nga nna ngai tsun nga nngai.

SHAKAWN KUNGDAWN 66:10

Rai tim Karai Kasang e, nang anhte hpe chyam yu nit dai, Gumhpraw hpe zawn, anhte hpe shabyawng yu nit dai.

SHAKAWN KUNGDAWN 7:4

Ngai hte hku ai wa hpe n kaja ai lam bai tai nna, Ngai hpe gumlau ai wa hpe pyi, pagawn di taw gaw:

GA SHAGAWP 13:3

Tinang n-gup hpe shim da ai wa gaw, tinang asak hpe bau nga ai; Tinang n-gup hpaw mahka ai wa chyawm gaw, hten byak hkrum na ra ai.

YEREMIA 12:3

Nang chyawm gaw, Yehowa e, ngai hpe chye nga ndai; ngai nang hte myit hkrum ai hpe, nang dinglik yu nna mu ndai: sat kau na matu sagu ni hpe dun shapraw ai zawn, tara n lang ai ni hpe dun shapraw nna, sat na shani a matu san da mu.

YEREMIA 50:20

Ndai shani, ndai aten e, Israela a shut hpyit ai hpe sawk yu timung, hpa n nga na sai; Yuda a yubak hpe tam timung, n mu na ra ai; kaning rai nme law, ngai ngam tawn da ai ni a yubak hpe, ngai raw dat kau na nngai,” nga nna Yehowa tsun ai.

HOSEA 7:6

Gaja wa shanhte gaw, gyam yu nga let, tinang myit hpe wan htung zawn kahtet shangun mu ai: shanhte a muk kabaw ai wa gaw, shana tup yup nga timung, dai gaw jahpawt manap e wan shinglet zawn grung nga ai.

MIHKA 2:1

Tinang a yup ku ntsa e n kaja ai hku maw nna, n hkru ai lam galaw ai ni gaw, dingnye lu ma ai: shanhte gaw tinang a lata hta ahkang aya lu ai majaw, jahpawt nhtoi htoi jang, dai lam shabyin ma ai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MALAHKI 3:2

Rai timung, shi du ai nhtoi hpe, kadai hkam sharang lu na rai ta? shi paw pru yang, kadai tsap nga lu na rai ta? kaning rai nme law, shi gaw janghkam wa a wan hte, rai hkrut ai wa a sabya zawn, rai nga ai:

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 16:9

Dai yang, shana e Pawlu gaw shingran hta, Makedoni masha langai mi sa tsap nna, “Makedoni mung de rap sa nna, anhte hpe karum la mi,” nga nna shi hpe hpyi ai mu wu ai.

1 KORINHTU 4:4

Kaning rai nme law, ngai hkum dai mara n lu dum nngai: rai timung, dai gaw nye a dinghpring ai lam n rai nga ai: ngai hpe jeyang ai wa gaw, dai Madu rai nga ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

YAKU 3:2

Kaning rai nme law, anhte nga manga hte hta, malaw maga gaw kataw ai hkrai rai nga ga ai. Marai langai ngai ga hte n kataw a yang gaw, hkum hkum tsup tsup re ai wa hte, tinang a hkum ting hpe hkang lu ai wa rai nga ai.

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 SAMUELA 24:10

Dai ni Yehowa, wora lungpu e nang hkum hpe, na a mayam a lata hta ap kau nit dai gaw, nang nan mu nit dai; nang hpe sat kau ga, nga nna manang ni nkau mi shadut ti pyi, ngai na asak hpe lahpawt ya nna, nye a Madu gaw Yehowa a namman jaw hkam ai wa re ai; dai wa hpe sat na, nye a lata n dawn yu we ga, ngu nna ngai myit nga nngai.

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 26:11

Yehowa a namman jaw hkam ai wa hpe, ngai lata n du hkra, Yehowa hkum kau n ga law: ya chyawm gaw, shi a baw nhpang na ri hte ntsin namtau hpe, la wa ga,” nga nna tsun let,

1 SAMUELA 26:23

Dai ni Yehowa nang hpe nye a lata hta ap kau nit dai rai timung, shi a namman chya hkam ai wa hpe ngai n hkra nngai; Yehowa gaw kadai hpe rai timung, tinang a dinghpring ai hte kangka ai hta hkan nna, akyu htang jaw na ra ai.