SHAKAWN KUNGDAWN 142:3 - Jinghpaw Hanson Version Bible

³ Nye a wenyi gawng run nga ai shaloi e, Nang nye a lam hpe chye nga ndai; Ngai sa wa ai hku hta e, shanhte mahkam up da mu ai.

Jinghpaw Common Language Bible 2009

³ Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 142:3 ပူးပေါင်းရင်းမြစ်များ

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

SHAKAWN KUNGDAWN 102:1

Yehowa e, ngai akyu hpyi ai ga madat ya e, Ngai hpyi jahtau ai ga, nang kaw hkrang pru u ga.

SHAKAWN KUNGDAWN 102:4

Nye a myit tsingdu zawn hkraw wa nna, nyip mat li ai, Lu sha na pyi, ngai malap kau nga nngai.

SHAKAWN KUNGDAWN 140:5

Gumrawng ai ni nye a matu mahkam hte sumri up da nna, Nye a lam e, sumgawn nep da mu ai: Nye a matu ndaw mung jun da mu ai. [Selah.]

SHAKAWN KUNGDAWN 141:9

Nye a matu hkam ai mahkam hte, N hkru ai bungli galaw ai ni a nbyeng hta na, ngai hpe shalawt dat e.

SHAKAWN KUNGDAWN 143:4

Dai majaw nye a wenyi gawng run nga ai, Nye a myit kraw hta e, hten mat nga ai.

SHAKAWN KUNGDAWN 17:3

Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

SHAKAWN KUNGDAWN 22:14

Ntsin zawn ru kau ai ngai hkrum nga nngai. Nye a nra hkrihkraw mahkra kashai mat sai: Nye a myit gitbaw zawn rai nga ai rai nna, Dai gaw nye a kraw e byaw mat nga ai.

SHAKAWN KUNGDAWN 31:4

Nye a makam masham nang rai nga ndai majaw, Shanhte nye a matu hkam ai mahkam na, Ngai hpe gare shaw la e.

SHAKAWN KUNGDAWN 56:6

Nye a asak hpe tam ma ai majaw, Shanhte zuphpawng nna gyam yu let, Nye a lagaw hkang hpe matsing nga ma ai.

SHAKAWN KUNGDAWN 61:2

Ngai myit kaji nga yang, ga htum ai kaw nna, Ngai nang hpe shaga na nngai: Nye a matu naw tsaw la ai lunghkrung ntsa e, ngai hpe shalun da e.

SHAKAWN KUNGDAWN 62:9

Kaja wa, darat daroi masha ni nbung hkrai rai nga ma ai; Daru magam masha ni masu ai hkrai rai nga ma ai: Shanhte hpe joi hta shen yu yang, yawng hte wa nbung hta grau tsang ma ai.

SHAKAWN KUNGDAWN 77:3

Karai Kasang hpe dum yang, ngai madai nga nngai; Myit sumru nga yang, nye a wenyi htan wa li ai. [Selah.]

YEREMIA 18:22

Hpyen luksuk ni hpe, nang shanhte hpang de alawan jashawn ai majaw, shanhte a nta ni kaw na shabam ai nsen, ngoi pru u ga: kaning rai nme law, ngai hpe hkam na matu, shanhte nhkun htu masai: ngai sa wa ai lam hta, mahkam up da mu ai.

SHARUNG SHAYAWT 2:19

Rawt u, shana ladaw da ai aten hkan nna jahtau u; Madu a man e na a myit masin hpe ntsin zawn ru dat u: Kawsi ai majaw lam she shagu hkan e htan mat ai, na a ma kaji ni a asak jahkrung da na lam, shi hpang de na a lata ladawn u.

MAHTE 22:15

Dai hpang Hparishe ni pru nna, shi tsun ai ga hta gin di mara shagun lu na lam, bawng da ma ai.