SHAKAWN KUNGDAWN 140:7 - Jinghpaw Hanson Version Bible

⁷ Dai Madu Yehowa gaw, ngai hpe hkye hkrang la ai n-gun rai nga ai; Hpyen palawng bu hpun ai shani e, nang nye a baw hpe magap da ya ndai.

Jinghpaw Common Language Bible 2009

⁷ Nye a Grau Htum Ai Madu Chyahtum Chyalai n-gun hte hpring nga nna, ngai hpe makawp maga ai Madu e, nang gaw ngai hpe majan pa hta makawp maga ya nit dai.

SHAKAWN KUNGDAWN 140:7 ပူးပေါင်းရင်းမြစ်များ

2 SAMUELA 8:14

Edom mung shara shagu hkan e Dawi gaw sin langa hpyen dap tawn da wu ai rai nna, Edom masha ni mahkra gaw Dawi a mayam ni tai nga ma ai. Dawi sa wa ai lam shagu hta Yehowa makawp maga nga ai.

2 SAMUELA 8:6

Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

SHAKAWN KUNGDAWN 144:10

Shi gaw hkawhkam ni hpe nlaw shangun nu ai; Shi a mayam Dawi hpe n hkru ai nhtu hta na shalawt dat nu ai.

SHAKAWN KUNGDAWN 18:35

Na a hkye la ai n-gang nang ngai hpe jaw nit dai; Na a hkra lata ngai hpe shadaw ya nna, Na a myit nem ai hku hta, ngai kaba wa nngai.

SHAKAWN KUNGDAWN 27:1

Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 31:15

Nye a aten aprat na a lata hta rai nga li ai: Gumlau ni hte hkan shachyut ai ni a lata na ngai hpe mawai la e.

SHAKAWN KUNGDAWN 59:17

Nye a n-gun e, ngai nang hpe mahkawn mangoi na nngai: Karai Kasang gaw nye a langchyi hte Ngai hpe chyeju jaw ai Karai Kasang, rai nga ai.

SHAKAWN KUNGDAWN 62:2

Shi chyu sha nye a lunghkrung, nye a hkye hkrang la ai lam, Nye a langchyi rai nga ai; ngai shamu shamawt ai law law n hkrum na nngai.

SHAKAWN KUNGDAWN 62:7

Nye a hkye hkrang la ai lam hte, nye a arawng sadang Karai Kasang hta rai nga ai. Ngai hpe n-gun jaw ai lunghkrung hte nye a shingwung shara Karai Kasang rai nga ai.

SHAKAWN KUNGDAWN 89:26

Shi gaw, ‘Nye a Wa, nye a Karai Wa, Ngai hpe hkye la ai lunghkrung, nang rai nga ndai,' nga nna ngai hpe shaga na ra ai.

SHAKAWN KUNGDAWN 95:1

Wa marit, Yehowa hpe garu ga, Anhte hpe hkye hkrang la ai lunghkrung kaw, kabu gara jahtau ga!

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.