SHAKAWN KUNGDAWN 137:3 - Jinghpaw Hanson Version Bible

³ Kaning rai nme law, dai yang e, Anhte hpe sharen da ai ni, mahkawn ga hpyi ma ai; Anhte hpe zingri ai ni, “Kabu nga nna, Ziun a mahkawn ga, anhte hpe mahkawn mangoi dan mi,” nga nna hpyi ma ai.

Jinghpaw Common Language Bible 2009

³ Anhte hpe rim da ai ni gaw, shanhte hpe mahkawn mangoi dan na matu tsun ma ai; shanhte gaw, “Ziun a mahkawn, anhte hpe mahkawn dan mi,” nga nna shanhte hpe shangwi shapyaw ya na matu, tsun ma ai.

SHAKAWN KUNGDAWN 137:3 ပူးပေါင်းရင်းမြစ်များ

1 HKAWHKAM LABAU 15:27

Dawi mung, sakse sumpu hpai ai ni mung, mahkawn mangoi ai ni hte mahkawn mangoi woi ai agyi Hkenania mung, hpraw tu ai lachyit sumpan lawai nga ma ai. dai hta kaga Dawi gaw lachyit hpahkai lawng kahtap hpun da wu ai.

1 HKAWHKAM LABAU 16:7

Dai shani e Dawi gaw, Asap hte shi a kahpu kanau ni a n-gup e Yehowa a chyeju hpe shakawn kungdawn ai lam nnan tawn da wu ai.

NEHEMIA 4:2

Shi a kahpu kanau ni hte Samari hpyen masha ni a man e, shi gaw, “Ndai n-gun kya ai Yuda masha ni hpa galaw nga ma ta? tinang shara hpe shangang da na rai kun? hkungga nawng ya na rai kun? lani jan hta sha shangut na rai kun? hkru hkat mat ai nlung ni hpe shanut shanaw sumpum na jahkrung shapraw lu na rai kun? nga nna tsun ai.

SHAKAWN KUNGDAWN 65:1

Karai Kasang e, Ziun hta e, nang hpe angwi apyaw shakawn nna, Nang hpe ga shaka raw lu na, rai nga ai.

SHAKAWN KUNGDAWN 79:1

Karai Kasang e, maigan amyu ni, Na a sali wunli hta shang nga nna, Na a chyoi pra ai htingnu hpe wu kau mu ai: Yerusalem mare hpe marawng marang di kau mu ai.

SHAKAWN KUNGDAWN 80:6

Nang anhte hpe htingbu ni hte ga lai shara shatai nna, Gumlau ni mung anhte hpe aroi arip rai ma ai.

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

GA SHAGAWP 25:20

Yawn hkyen hkrum ai ni hpe mahkawn mangoi ai wa gaw, Kashung ta e palawng raw ai hte, shau ntsa e ntsin hkri ru bun ai wa hte bung nga ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 51:11

Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.

YEREMIA 9:11

“Ngai gaw Yerusalem mare hpe marawng marang hte, nam gwi ni shanu ai shara shatai na nngai; Yuda mare ni hpe masha shingran katsi ai shara shatai kau na nngai.”

MIHKA 3:12

Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.

LUKA 21:6

“Ndai nanhte mu nga ai arai ni gaw, n run n hpya kau ai, nlung langai mi a ntsa e langai mi n mara nga lu na nhtoi du na ra ai,” ngu mu ai.