SHAKAWN KUNGDAWN 135:9 - Jinghpaw Hanson Version Bible

⁹ Egutu mung e, shi gaw na a ka-ang e, Hpara-u hte shi a ali ama ni a man e, Lamik kumla hte mauhpa amu shapraw dat wu ai.

Jinghpaw Common Language Bible 2009

⁹ Dai mung hta e, Hpara-u hte shi a ali ama ni yawng hte hpe ari jaw na matu; lamik kumla ni hte mauhpa amu ni hpe shi shapraw dan nu ai.

SHAKAWN KUNGDAWN 135:9 ပူးပေါင်းရင်းမြစ်များ

NEHEMIA 9:10

Hpara-u mung, shi a ali ama ni hte mung masha ni gaw, anhte a ji wa ni hpe gumrawng gumtawng hku galaw nga ai hpe, nang chye nga ndai majaw, Egutu masha ni yawng a man e mauhpa amu hte lamik kumla, nang madun dan mu ai rai nna, na amying gaw dai ni du hkra dan hkung nga ai.

SHAKAWN KUNGDAWN 136:15

Hpara-u hte shi a luksuk ni hpe, Dai Hkyeng ai Nawng hta e, gumpye bang kau mu ai, Shi a chyeju htani htana agrin nga ai.

SHAKAWN KUNGDAWN 78:12

Shi gaw shanhte a kaji kawoi ni a man e, Egutu mung na Zuan prang hta e, mauhpa amu galaw wu ai.

KASA 7:36

Dai wa nan, Egutu mung e mung, Nawng hkyeng hta mung, nam mali hkan e mung, mali shi ning tup mauhpa hte lamik kumla amu madun let, shi a amyu masha ni hpe woi wa mu ai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

TARA JAHPRANG 6:22

Yehowa gaw nachying kaba ai kumla hte mauhpa amu Egutu mung ting a ntsa e mung, Hpara-u hte shi a nta masha ni a ntsa e mung anhte a man pra madun dan nna,