SHAKAWN KUNGDAWN 13:3 - Jinghpaw Hanson Version Bible

³ Nye a Karai Kasang Yehowa e, mada yu nna htan ya e: Si ai hta ngai n yup nga n ga,

Jinghpaw Common Language Bible 2009

³ Madu nye a Karai Kasang e, ngai hpe mada yu nna htan ya e. Ngai n si u ga, ngai hpe n-gun bai jaw ya e.

SHAKAWN KUNGDAWN 13:3 ပူးပေါင်းရင်းမြစ်များ

EZRA 9:8

Ya hkring mi sha, anhte a Karai Kasang gaw, anhte a myi hpe jahtoi ya lu nna, anhte a bawng dung ai hta nsa kachyi mi awai la lu hkra, Karai Kasang Yehowa gaw naw ngam nga ai shanglawt ni hte, shi a chyoi pra ai shara hta noi mai na chyinghkyi, chyeju myit hte, anhte hpe jaw da mani ai.

SHAKAWN KUNGDAWN 119:153

Na a tara hpe ngai n malap kau nngai majaw, Nye a nni nkri yu nna, ngai hpe mawai la e.

SHAKAWN KUNGDAWN 18:28

Gaja wa, nang nye a pyengdin shatu ya ndai: Nye a Karai Kasang Yehowa, nye a nsin hpe jahtoi ya ai.

SHAKAWN KUNGDAWN 25:19

Nye a gumlau ni hpe yu u; shanhte law nga ma ai: N-yun bu let shanhte ngai hpe n dawng n yawt nga ma ai.

SHAKAWN KUNGDAWN 31:7

Nye a nni nkri hpe nang mu nga nna, Nye myit masin a ru tsang ai hpe chye nga ndai; majaw, Na a chyeju hta ngai kabu nna shakawn nga na nngai.

SHAKAWN KUNGDAWN 5:1

Yehowa e, nye a ga madat mara ya e, Nye a myit aru yu nga ai hpe, dum nga u.

SHAKAWN KUNGDAWN 9:13

Yehowa e, ngai hpe matsan dum ya e: Si ai chyinghka na ngai hpe sharawt la ai wa e, Ngai hpe n dawng ai ni a zingri ai hpe, yu u.

YEREMIA 51:39

Shanhte pyaw daw kadaw yang, ngai shanhte a matu poi galaw nna, shanhte kabu gara nga timung, n hprang lu hkra prat dingsa yup pyaw na matu, shanhte hpe luhpa jaw shanang na nngai.

YEREMIA 51:57

Ngai gaw shi a hkawhkam kasha ni, hpaji byeng-ya rawng ai ni, munggyi ni, du salang ni hte share ninghkrin ni hpe chyaru shanang nna, shanhte gaw n hprang lu hkra, prat dingsa yup pyaw nga na mara ai, nga nna Zaw nawng zaw wa up ai Yehowa mying ai Hkawhkam wa tsun nga ai.

SHARUNG SHAYAWT 5:1

Yehowa e, anhte hkrum ai lam hpe dum u; Anhte hkrum sha ai shatan nhkan hpe mada yu nna sumru yu u.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

EHPESU 5:14

Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

1 SAMUELA 14:27

Yonahtan chyawm gaw, kawa masha ni hpe dagam tawn ai ga n na wu ai majaw, shi lang ai ri hte gitpa hta galun shakap la nhtawm, shi a lata hte mayut sha wu ai rai nna, shi a myi san wa lu ai.

1 SAMUELA 14:29

Shaloi Yonahtan gaw, “Nye wa masha ni hpe shatsang kau nu ai: yu u, lagat jahku kachyi mi ngai chyim yu ai majaw, nye a myi san sali ai.