SHAKAWN KUNGDAWN 13:2 - Jinghpaw Hanson Version Bible

² Gade na hkra nye a myit masin hta ngai sumru yu nga nna, Lani hte lani nye a myit hta yawn hkyen nga na rai ta? Gade na hkra gumlau ni ngai hta grau nga na ma ta?

Jinghpaw Common Language Bible 2009

² Ru tsang ai hpe kade na hkra ngai hkam sharang na rai nga a ta? Nye a myit masin hta yawn hkyen ai lam hpe kade na hkra shani shana jahpring ya na ngu n ta? Nye a gumlau hpyen ni nye a ntsa e awng padang kade na hkra dip la lu na ma ta?

SHAKAWN KUNGDAWN 13:2 ပူးပေါင်းရင်းမြစ်များ

NEHEMIA 2:2

hkawhkam wa gaw, “Nang hkam kaja nga ninglen, na a myi man hpa majaw sum nga lit ta? dai gaw myit yawn ai kumla rai nga ai,” nga nna ngai hpe tsun ai majaw, ngai ja ja hkrit nga nngai.

ESHTA 7:6

Eshta gaw, “Gumlau wa hte hpyen wa gaw, ndai n hkru ai Haman nan rai nga ai,” ngu wu ai. Dai rai nna Haman gaw, hkawhkam wa hte hkawhkam jan a man e hkrit gari nga ai.

YOBA 10:15

Ngai tara n lang yang, dingnye ngai hkrum n ga; ngai dinghpring nga timung, kaya kahpa hte hpring nna, nni nkri hkrum nngai majaw, nye a baw hpe ngai sharawt lu na, n rai.

SHAKAWN KUNGDAWN 10:18

Ga ntsa masha htawm hpang e n jahkrit lu mu ga, Shanhte a myit hpe nang shadaw ya nna, Na a na hte madat mara la ya nga ndai law.

SHAKAWN KUNGDAWN 116:3

Si ai sumri ni ngai hpe kawan nga nna, Katsan ga na ru tsang ai ngai hpe lep ni ai: Ruyak ai hte nni nkri ngai hkrum nga nngai.

SHAKAWN KUNGDAWN 17:9

Myi sha hpe yu ai zawn ngai hpe yu yu nna, Na a singkaw a shingnip npu e ka-up da ya e.

SHAKAWN KUNGDAWN 31:18

gumrawng nna shatan nhkan ai ga hte Dinghpring ai ni hpe, n gawn n sawn hku masu ai nten gaw, ma-a mat malu ga.

SHAKAWN KUNGDAWN 38:17

Ngai kataw magang wa nga nngai, Ngai yawn hkyen ai nye a man e tut tut anga nga ai.

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

SHAKAWN KUNGDAWN 6:4

Bai wa rit, Yehowa e, nye myit masin mawai la ya e. Na a chyeju majaw ngai hpe hkye la ya e.

SHAKAWN KUNGDAWN 7:2

Hkrang la ai wa n nga yang, dai hpe n ashin kau u ga, Hkan shachyut ai ni yawng kaw na ngai hpe hkye la nna shaw la e law.

SHAKAWN KUNGDAWN 74:10

Karai Kasang e, gaten du hkra, hpyen ni shatan lu na rai nga ma ta? Gumlau ni gaw na a amying nsang hpe, tut tut asawng nga lu na rai ma ni?

SHAKAWN KUNGDAWN 74:18

Yehowa e, da ndai dum u: gumlau ni shatan nna, mana ai amyu gaw na a amying nsang hpe roi ma ai.

SHAKAWN KUNGDAWN 8:2

Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

SHAKAWN KUNGDAWN 9:6

Gumlau ni mat mat wa nna, prat tup htinggaw htum mat masai. Mare ni hpe mung nang run kau nna, De a masat dingsat pyi hten mat sai.

GA SHAGAWP 15:13

Myit kabu yang, myi man htoi nga ai; Myit law nga yang, gawng run lawm nga ai.

HPAJI NINGLI 5:17

Shi gaw prat tup nsin e shat sha ai hte, grai wa nji nmu, machyi makaw, kahtet kamawt hkrai, hkrum sha nga ai.

YEREMIA 15:18

Ngai hpa majaw tutnawng kawa machyi hkrum n ni? nye nma hpa majaw baw wa nna, n mai hkraw a ta? gaja wa, nang gaw nye a man e hkyet mat ai hka shi zawn, masu nga n ni?

YEREMIA 45:3

nang mahtang, Ngai dingnye lu nngai; Yehowa ngai gawng run ai hta yawn hkyen ai kahtap ya ni ai; ngai gaw yawn madai ai hte hki ba la nngai; ban sa n hkrum nngai, nga ndai.

YEREMIA 8:18

Ngai yawn bran hkra kaning di na law e; ngai gawng run la nngai.

SHARUNG SHAYAWT 1:5

Shi law la ai yubak a lam, Yehowa shi hpe ari jaw ai majaw, Shi hpe n dawng ai ni baw tai wa nna, shi hpe hpyen ai ni galu kaba wa ma ai: Shi a ma kaji ni hpe mung, hpyen ni bawng rim wa manu ai.

SHARUNG SHAYAWT 1:9

Shi a n san n seng ai dan leng nga timung, htawm hpang e hkrum na ra ai lam hpe n dum nga ai; Dai re ai majaw shi mau hkra shagrit kau ai hkrum nna, shi hpe shalan shabran ai wa n nga ai: Yehowa e, ngai hkrum ai nni nkri hpe yu u; hpyen wa gaw shi hkum hpe shagrau wu ai.

SHARUNG SHAYAWT 5:20

Nang anhte hpe hpa majaw tutnawng malap kau nna, Nde nlaw aten du hkra, kau da n ta?

MAHTE 26:38

Dai rai nna, shi shanhte hpe, Nye a myit masin si hkra yawn hkyen kaba hkrum nga li ai: ngai hte rau a maja nga na nang e naw nga nga mu, ngu mu ai.

LUKA 22:53

Nawku Htingnu e shani shagu nanhte hte rau nga nga yang, ngai hpe rim la na nanhte n htim yu manit dai; rai timung, ndai ahkying gaw nanhte a ahkying rai nga ai hte, nsin a ahkang hpung ja ai mung rai nga ai,” ngu mu ai.

YAWHAN 16:6

Rai timung, ndai lam ni ngai nanhte hpe tsun made ai majaw, nanhte a myit masin hta yawn hkyen ai hpring mat ma salit dai.

ROMA 9:2

nye kraw lawang e yawn hkyen kaba hte tutnawng na atsu atsam ngai hkam nga nngai gaw, Chyoi pra ai Wenyi hta e nye a myit nsam gaw, ngai hte sakse hkam ya ai.

HPILIPI 2:27

Gaja wa shi gaw ganoi noi si hkra machyi kau nu ai; rai timung, Karai Kasang gaw shi hpe matsan dum nga ai; shi hpe sha n rai, ngai gaw yawn hkyen ai htap mi hte htap mi n hkrum u ga, ngai hpe mung matsan dum nga ai.

1 SAMUELA 18:29

Dai re ai majaw, Shawlu Dawi hpe grau nna hkrit ai hte, shi hpe tutnawng n dawng ai myit a rawng nga ai.

1 SAMUELA 24:19

Masha wa mi tinang hpyen hte katut sayang, apyaw sha adat dat lu a ni? Dai rai nna, dai ni ngai hta nang madun ai chyeju gaw Yehowa htang ya nit ga law.