SHAKAWN KUNGDAWN 127:2 - Jinghpaw Hanson Version Bible

² Jahpawt jau jau e rawt nna, Shana aten lai hkra, n sim n sa re ai hte, Hki ba let shat sha timung, kaman lila rai nga ai: Shi gaw dai lam shi a tsawra ai ni hpe naw yup nga ma yang, a jaw nga mu ai.

Jinghpaw Common Language Bible 2009

² Jahpawt manap jau jau rawt nna, shana aten lai hkra kan bau makan amu a matu, hki ba let galaw ti mung kaman lila rai nga ai. Hpa majaw nga yang, dai Madu gaw shi tsaw ra ai ni hpe naw yup nga yang pyi, shanhte hta ra nga ai lam ni hpe jaw ya nga ai.

SHAKAWN KUNGDAWN 127:2 ပူးပေါင်းရင်းမြစ်များ

YOBA 11:18

Myit mada lam nga ai majaw, nang dakan nga nna, lu malu hpe sawn yu nhtawm, asim sha yup wa ndai.

SHAKAWN KUNGDAWN 3:5

Yehowa ngai hpe shadaw ya ni ai majaw, Ngai kaleng taw nna, yup nhtawm, bai hprang lu nngai.

SHAKAWN KUNGDAWN 4:8

Ngwipyaw ai hte ngai kaleng taw nna yup nga nngai: Kaning rai nme law, a katsi n nga ai shara e nga timung, Yehowa e, nang hkrai ngai hpe a sumnung sha nga nga shangun nngai.

SHAKAWN KUNGDAWN 60:5

Na a tsawra ai ni gaw lawt lu mu ga, Na a hkra lata hte hkye la nna, anhte hpe htan ya mi.

GA SHAGAWP 10:22

Yehowa a shaman ai gaw ngamu ngamai shangun nga ai; Dai hta e yawn hkyen hpa mung n lawm nga ai.

HPAJI NINGLI 1:14

Jan a npu e shachyen ai amu amyu shagu hpe ngai mada mu ni ai; yu u, yawng hte gaw kaman lila hte nbung hpe shachyut ai hkrai rai nga ai.

HPAJI NINGLI 4:8

Marai langai mi gaw kanawn manang, kashu kasha, kahpu kanau n lu timung, shi a amu n htum hkraw ai hte shi a myi sutgan hpe n yu krem nga ai. Dai rai nna shi gaw Ngai gade a matu shakut sharang ai hte, nji nmu hkrum nga nngai i? nga nna san nga ai: dai mung kaman lila hte hki ba ai amu kaba hkrai rai nga ai.

HPAJI NINGLI 5:12

Makan galaw ai wa gaw, kaji sha sha lu timung, law law sha lu timung, yup pyaw nga ai: sut su ai wa a sutgan chyawm gaw, shi hpe yup jaren shangun nga ai.

HPAJI NINGLI 6:7

Makan shakut ai yawng gaw kan a matu sha rai nga timung, sha mayu ai myit gaw hkru kat hkraw ai n rai.

YEREMIA 31:26

Dai hpang ngai yup hprang nna mada yu yang, yup pyaw ai gaw, nye a matu mai kaja nga ai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.