SHAKAWN KUNGDAWN 123:3 - Jinghpaw Hanson Version Bible

³ Yehowa e, anhte hpe matsan dum mi, matsan dum mi law; Kaning rai nme law, anhte gaw kaya kahpa nau hkrum la nga ga ai.

Jinghpaw Common Language Bible 2009

³ Madu e, anhte hpe matsan dum la mi, anhte hpe matsan dum la mi law! Anhte gaw n kaw n law re ai hte kaya kahpa nau wa hkrum sha nga saga ai.

SHAKAWN KUNGDAWN 123:3 ပူးပေါင်းရင်းမြစ်များ

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

ESAIA 53:3

Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

LUKA 23:35

Mung masha ni gaw mada yu let tsap nga ma ai. Du aya lu ai ni mung shi hpe asawng asang nga nna, “Masha kaga hpe shi hkye la ga ai; ndai wa gaw Karai Kasang a Hkristu ngu ai, Karai Kasang lata la ai wa rai yang gaw, shi hkum dai shi hkye la u ga,” nga ma ai.

LUKA 16:14

Dai ga mahkra hpe, gumhpraw marin ai Hparishe ni na ma ai rai nna, shi hpe asawng asang ngu mu ai.

SHAKAWN KUNGDAWN 4:1

Ngai hpe dinghpring shangun ai Karai Kasang e, ngai shaga yang htan ya e. Gyip ai shara e, nye a matu dam lada nang di ya ndai. Ngai hpe matsan dum nna, ngai hpyi ai ga madat ya e law.

2 SAMUELA 6:16

Ya Yehowa a sumpu Dawi mare de shang wa nga yang, Shawlu a kasha Mihkala gaw hkuwawt hku mada yu nna, hkawhkam Dawi Yehowa man e ka let manawt let, wa ai mu wu jang, shi hpe hkyet yu rung wu ai.

2 HKAWHKAM 19:3

Shanhte gaw shi hpe, Hezekia ning nga ai: “Dai ni gaw nni nkri, shatan nhkan, asawng asang hkrum ai nhtoi rai nga ai: ma shangai nhtoi gu timung, shangai lu na n-gun n nga ai.

YOBA 19:15

Nye a nta masha ni hte shingnan num ni gaw, ngai hpe tsasam manam zawn nawn nna, ngai shanhte a man e maigan wa tai nga nngai.

SHARUNG SHAYAWT 3:30

Tinang a shabyi kayat ai wa hpe ja ya nna, shatan nhkan hte shi hpring chyat nga u ga.

EZEKELA 36:6

Dai re ai majaw Israela mung hpe lakap nna myihtoi htoi let, bum ni hte kawng ni hpe, hkaraw hte kadit ni hpe htawn tsun u, Madu Yehowa ning nga ai: Yu u, nanhte gaw maigan amyu ni a shatan nhkan hkrum ai majaw, ngai myit na machyi nna, sindawng kahtet ai hte ga tsun ni ai:

EZEKELA 36:15

“htawm hpang de maigan amyu ni a shatan nhkan ga hpe, nang na lu na, n rai; shanhte a jahpoi ai mung hkrum na, n rai; na a amyu hpe kadawng si shangun na, n rai,” nga nna Madu Yehowa tsun ai.