SHAKAWN KUNGDAWN 109:2 - Jinghpaw Hanson Version Bible

² Kaning rai nme law, tara n lang ai wa a n-gup hte, Hkalem sha ai wa a n-gup, hpaw nga malu ai; Masu ai shinglet ni nye a lam a tsun nga ma ai.

Jinghpaw Common Language Bible 2009

² Tara n lang ai masha ni hte masu magaw ai ni ngai hpe htim gasat kau mani ai. Shanhte nye a lam hpe masu magaw ga ni hte tsun shatan nga ma ai.

SHAKAWN KUNGDAWN 109:2 ပူးပေါင်းရင်းမြစ်များ

NINGPAWT NINGHPANG 40:15

gaja wa ngai hpe Hebre mung na lagu wa mi ai; ya nang e mung, ngai hpa yubak n galaw ai hpe ndai htawng hta bang da mi ai. Ngu nna tsun dat wu ai.

2 SAMUELA 17:1

Dai hta kaga Ahihtopela gaw Absalom hpe, Ngai masha mun me hkying lahkawng san lu n ga; shing rai ngai rawt nna dai na e pyi Dawi hpe hkan shachyut ni ga:

SHAKAWN KUNGDAWN 140:3

Shanhte gaw lapu zawn tinang a shinglet hpe mayoi da nna, Pu htum a tuk shanhte a nten npu e rawng nga ai. [Selah.]

SHAKAWN KUNGDAWN 31:13

Masha ni tsun shatan ai ga ngai na lu nna, Grup yin e hkrit shara hkrai rai nga ai: Shanhte nye a lam jawm bawng ma yang, Nye a asak la kau na hpaji daw ma ai.

SHAKAWN KUNGDAWN 31:18

gumrawng nna shatan nhkan ai ga hte Dinghpring ai ni hpe, n gawn n sawn hku masu ai nten gaw, ma-a mat malu ga.

SHAKAWN KUNGDAWN 52:4

Hkalem sha chye ai shinglet e, Shabyak na ga nlang hte hpe nang tsaw nga ndai.

GA SHAGAWP 12:19

Tengman ai n-gup gaw, dinggrin anga nga ai; Masu ai shinglet chyawm gaw chyahkring sha nga ai.

GA SHAGAWP 15:28

Dinghpring ai wa a myit gaw, htan na lam sumru yu nga ai; Tara n lang ai ni a n-gup chyawm gaw, n hkru ai hkrai ru jaw nga ai.

GA SHAGAWP 6:17

Gumrawng gumtawng re ai myi man, masu ga tsun ai shinglet, Mara n kap ai wa a sai hpe jahkaw kau ai lata;

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

YEREMIA 9:5

Langai hte langai tinang htingbu wa hpe hkalem sha nna, tengman ai ga n tsun ma ai; shanhte gaw tinang a shinglet hpe masu ga sharin ya ma ai; n hkru n hkra ai amu galaw nna, tinang hkum hpe jahki shaba kau ma ai.

KASA 6:13

sakse masu ni hpe mung jashawn dat mu ai rai nna, shanhte gaw, “Dai wa, ndai chyoi pra ai shara hte jep ai tara hpe jahpoi ai ga n sim n sa a tsun nga ai: