SHAKAWN KUNGDAWN 103:2 - Jinghpaw Hanson Version Bible

² Nye a myit masin e, Yehowa hpe sha-a nga u, Shi a chyeju yawng hte hpe hkum malap kau et.

Jinghpaw Common Language Bible 2009

² Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

SHAKAWN KUNGDAWN 103:2 ပူးပေါင်းရင်းမြစ်များ

2 HKAWHKAM LABAU 32:25

Rai timung Hezekia gaw shi hkam la ai chyeju hte maren n htang ya ai sha, myit kaba nga ai majaw, shi a ntsa e mung, Yuda hte Yerusalem ntsa e mung pawt sindawng ai pru nga ai.

SHAKAWN KUNGDAWN 105:5

Shi a mayam Abraham a aru arat hte e, Shi lata la ai Yaku a kashu kasha ni e,

SHAKAWN KUNGDAWN 106:21

Egutu mung hta e, amu kaba galaw ai, Ham a shara e, mauhpa bungli shapraw ai,

SHAKAWN KUNGDAWN 106:7

Egutu mung na anhte a ji woi ni, Na a mauhpa bungli hpe, mung n yu nna, Na a kaba la ai chyeju hpe, n dum ma ai rai nna, Dai hkyeng ai Nawng makau e pyi gumlau nga ma ai.

SHAKAWN KUNGDAWN 116:12

Yehowa ngai hpe jaw ai chyeju nlang hte hpe, Ngai kaning di dang wa lu na rai nga a ta?

ESAIA 63:1

Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

TARA JAHPRANG 32:18

Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.

TARA JAHPRANG 32:6

Angawk ai hte myit n su ai amyu e, Yehowa hpe dai hku htang na mu ni? Shi nang hpe hkrang la ai kawa n rai lit ni? Shi nang hpe hpan da nna shagrin da nit dai.

TARA JAHPRANG 6:12

Egutu mung hte mayam nta na nang hpe shaw woi wa ai Yehowa hpe nang n malap kau n ga, sadi nga u.

TARA AGYI 5:2

“Israela hta du gyi ni woi awn nna, Hkringmang sha ni tinang hkum n lahpawt ai majaw, Yehowa hpe shagrau sha-a mu.

TARA AGYI 5:9

Tinang a asak n lahpawt ai darat kasha ni hte, Israela du agyi ni hpe, ngai manoi nngai: Yehowa hpe shagrau sha-a mu.