SHAKAWN KUNGDAWN 10:8 - Jinghpaw Hanson Version Bible

⁸ Kahtawng ni a gyam yu ai shara hta e shi dung nga ai, Makoi ai shara hta mara n kap ai ni hpe sat kau mu ai. Shi a myi nji nmu nga ai ni hpe azi yu nga mu ai.

Jinghpaw Common Language Bible 2009

⁸ Shi gaw mara n kap ai masha ni hpe sat na lagyim la nga let, kahtawng ni hkan, shi hkum shi makoi nga ai; shi gaw karum la lam n nga ai ru yak hkrum ai ni hpe kin-yu yu nga ai.

SHAKAWN KUNGDAWN 10:8 ပူးပေါင်းရင်းမြစ်များ

2 HKAWHKAM 21:16

Shing rai Manashe gaw Yehowa a man e n hkru ai amu galaw ai hte, Yuda masha ni hpe shut shangun ai hta n-ga, mara n kap ai ni law law hpe sat kau nna, dai ni a asai gaw Yerusalem mare maga mi kaw nna maga mi du hkra hpring nga ai.

YOBA 24:14

Masha sat ai wa gaw nhtoi htoi yang rawt nna, nni nkri hkrum ai ni hte matsan mayan ni hpe sat kau nga ai: shana e rai yang lagu lagut tai nga ai.

SHAKAWN KUNGDAWN 17:11

Anhte hkawm ai lam hpe shanhte ya kawan da nna, Anhte hpe ga de jahkrat kau na a maw nga ma ai.

SHAKAWN KUNGDAWN 94:6

Gaida jan hte masha tsasam wa hpe shanhte sat kau nna, Jahkrai ma ni hpe htau kau mu ai.

GA SHAGAWP 24:15

Tara n lang ai wa e, dinghpring ai wa a nta hpe hkum mayun yu et; Shi shanu nga ai shara hpe, hkum shaprai kau ya et.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

HABAKU 3:14

Nang gaw shi a dawhkrawng ni hte, shi a hpyen masha ni a baw hpe galun htinggrang kau ndai; Shanhte gaw, ngai hpe shapoi kau na matu, laru bungga zawn ahpawt ma ai: Matsan mayan ni hpe, n dum shami kawa sha na nga, shanhte myit makun nna kabu nga ma ai.

LUKA 10:1

Dai hpang, dai Madu gaw sape kaga sanit shi san la nna, shi hkum dai sa magang ai mare hte shara shagu de, marai lahkawng yep di nna, shi a shawng e shangun dat wu ai.

LUKA 8:1

Dai hpang gade n na yang, shi gaw Karai Kasang a mungdan lam hkaw dan ai hte, kabu gara shiga tsun shana ya let, mare mi kaw nna mare mi, kahtawng mi kaw nna kahtawng mi de, du hkawm sa wa ai: sape shi lahkawng hte mung shi hte rau rai nga ma ai;

TARA AGYI 9:25

Shehkem masha ni gaw shi e gyam na matu, bum pungding hkan e masha tawn da mu ai rai nna, shanhte gaw bu hkawm ai ni nlang hpe hkap hpya kau mu ai: dai lam Abimelek hpe shana ya mu ai.

1 SAMUELA 22:18

Bai hkawhkam wa gaw, “Nang mahtang hkinjawng ni hpe sat u,” ngu nna Doeg hpe tsun dat wu ai. Dai majaw Edom masha Doeg rawt nna, sumpan hpa hkai lawng hpun ai hkinjawng matsat shi manga hte hpe, dai shani jan hta sha sat kau mu ai.

1 SAMUELA 23:23

Dai re ai majaw, shi makoi nga ai shara ni yawng hpe achyoi sha tam yu ngut jang she, ngai hpang de bai sa marit; shaloi ngai gaja wa nanhte hte rau pru sa na nngai; shi dai ga hkan e nga taw gaw, Yuda amyu hkying mun a kata na, ngai shi hpe tam shaw la na nngai,” ngu dat mu ai.