SHAKAWN KUNGDAWN 10:3 - Jinghpaw Hanson Version Bible

³ Tara n lang ai wa, shi myit masin ra ai hku shakawn nga ai, Lawhpa ai wa gaw Yehowa hpe kau da nna, asawng nga ai.

Jinghpaw Common Language Bible 2009

³ Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

SHAKAWN KUNGDAWN 10:3 ပူးပေါင်းရင်းမြစ်များ

1 HKAWHKAM 20:25

nang sum mat ai luksuk ni hte gumra ni hpe mung, leng ni hpe mung, maren law hkra naw shaga tawn nna, anhte layang ga e shanhte hpe sa gasat nna, gaja wa shanhte hpe dang kau lu na gaw ai, nga nna hpaji daw ma ai. Hkawhkam wa mung shanhte a ga madat nna, dai lam hkan galaw wu ai.

YOBA 31:24

Ngai gaw aja hpe hpa nna, ja jet hpe, “nang nye a kam hpa shara rai nga ndai,” nga nna tsun ai hte,

SHAKAWN KUNGDAWN 35:21

Shanhte ngai hpe n-gup mahka nga nna: “Da, da, anhte a myi hte mu lu sagaw ai,” nga ma ai.

SHAKAWN KUNGDAWN 49:18

Naw hkrung nga yang shi hpe shaman ya nna, Ngamai ai majaw shi hpe shakawn ya mu timung,

SHAKAWN KUNGDAWN 49:6

Masha wa gaw tut tut ahkrung nga nna, Hten mat ai galoi mung n hkrum lu hkra,

SHAKAWN KUNGDAWN 5:6

Masu ga tsun ai ni hpe nang jahten kau nga ndai, Sai kap ai hte hkalem sha ai wa hpe, Yehowa matsat nga ai.

SHAKAWN KUNGDAWN 52:1

Share wa e, nang hpa rai n hkru ai hta gumrawng nga n ta? Karai Wa a chyeju tut tut anga nga ai.

SHAKAWN KUNGDAWN 94:4

Shanhte ga galu galang tsun nna, grang nga ma ai; Shut hpyit ai hku galaw ai ni nlang, lila ga tsun ma ai.

PRU MAT 15:9

Dai hpyen wa tsun ai gaw: ngai hkan shachyut na, ngai dep na we ai; Ngai lanep karan la na we ai: shing di shanhte hta ngai mashi asat na we ai: Nye a nhtu ngai shaw nna, shanhte hpe ngai hpya kau na we ai,” nga ai.

GA SHAGAWP 28:4

Tara hpe kau da ai ni gaw, tara n lang ai ni hpe shakawn ma ai; Tara hpe hkan nang ai ni chyawm gaw, shanhte hte dangrang hkat ma ai.

HPAJI NINGLI 7:15

Ngai kaman nga ai aten e, ndai lam yawng mayawng hpe ngai mu da se ai: dinghpring ai wa gaw, tinang a dinghpring ai hta htum wa ai hpe mung, tara n lang ai wa gaw tinang a tara n lang ai hta, asak galu nga ai hpe mung, ngai mu ni ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

JAW JAU 26:30

Nanhte a Tsaw ai shara ni hpe ngai run kau ya nna, nanhte a jan hpara sumla ni hpe kran daw kau ya let, nanhte a sumla ni a ntsa e, nanhte a si mang ni hpe kabai mara kau na we ai: nye a myit masin mung nanhte hpe matsat kau na we ai.

HABAKU 2:9

Tinang tsip hpe matsaw ntsang de tsip da nna, ru tsang ai lata na lawt lu hkra, tinang a nta matu n tara ai amyat sha ai wa gaw, dingnye lu u ga.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 12:19

nye a myit masin hpe ning ngu na we ai, ‘Myit masin e, law law ning a matu arai kaja law law nang shinggyin da nit dai: asan apan rai nga nu, lu nu, sha nu, pyaw pyaw rai nga nu’ ngu na we ai,” nga ai.

ROMA 1:29

shanhte gaw n ding n hpring ai amyu myu hte, n hkru n hkra ai, nammak lawhpa ai, n ju n yawt ai hte hpring ma ai; manawn masham ai, masha sak gyam ai, gasat gala ai, hkalem hkalam ai, kyang laban ai mung chyat rai nga malu ai:

ROMA 1:32

shing rai galaw ai ni gaw si ging nga ma ai, nga nna Karai Kasang a matsun maroi ga nga nga sai hpe, shanhte chye ma timung, shanhte hkum nan dai hte hpe galaw ma ai hta n-ga, dai hku hkan galaw ai ni hpe mung, awlaw ma ai.

1 KORINHTU 6:10

lagu lagut ni mung, nammak lawhpa ai ni mung, chyaru ya shang ai ni mung, shatan nhkan ai ni mung, dip lu dip sha ai ni mung, Karai Kasang a mungdan a sali wunli hpe hkam la lu n rai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

TARA JAHPRANG 29:19

Dai wa hpe Yehowa lahpawt na wu ai n rai; Yehowa pawt bu ai hte nsu ai myit gaw dai wa a ntsa e grung nga nna, ndai laika hta ka da ai dagam dala nlang hte hpe dai wa a ntsa e ru bun na wu ai; Yehowa mung dai wa a amying hpe sumsing lamu npu na arut kau na wu ai.

TARA JAHPRANG 32:19

Yehowa dai mu nna, shi a shayi shadang sha ni hpe, Shanhte a mara majaw, matsat kau mu ai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

YAKU 4:13

Bai lam mi gaw, Dai ni, shing n rai, hpawt ni e, ndai mare de anhte sa wa nhtawm, dai yang e laning mi hkring nga nna, hpaga ga na hte amyat lu sha na gaw ai, nga nna tsun nga ai ni e, sa marit;

YAKU 4:16

Ya chyawm gaw nanhte a grang ai ga hta nanhte gumrawng gumtawng rai nga myit dai: shing re ai gumrawng gumtawng nlang hte gaw, n shawp n kap rai nga ai.

1 YAWHAN 2:15

Dinghta ga hte dinghta ga e nga ai arai hpe, hkum tsawra myit. Marai langai ngai dinghta ga hpe tsawra a yang gaw, dai Kawa a tsawra ai myit gaw, shi hta e n rawng nga ai.

TARA AGYI 17:2

Shi gaw kanu hpe, “Nu e, na gumhpraw hkying me latsa mat nna, dai hpe dagam kau sai nga nna, ngai e mung tsun dan ai gumhpraw dai, ngai kaw rai nga ai; ngai la kau we ai,” ngu nna tsun wu yang, kanu gaw, “Ngai sha e, Yehowa nang hpe shaman ya nit ga,” ngu wu ai.

1 SAMUELA 23:21

Shawlu gaw, “Nanhte ngai hpe matsan dum manit dai majaw, Yehowa nanhte hpe shaman ya myit ga.