SHAKAWN KUNGDAWN 10:1 - Jinghpaw Hanson Version Bible

¹ Yehowa e, hpa rai nme, nang tsan tsan e tsap nga n ta? Ru tsang hkrum ai aten hta e, hpa rai nme makoi nga n ta?

Jinghpaw Common Language Bible 2009

¹ Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

SHAKAWN KUNGDAWN 10:1 ပူးပေါင်းရင်းမြစ်များ

YOBA 13:24

Na a myi man nang makoi kau nna, ngai hpe hpyen wa zawn nawn ai gaw, hpa majaw rai ta?

YOBA 23:9

Pai maga de bungli shachyen yang, shi hpe n mada mu nngai; hkra maga de makoi nga ai majaw, ngai n mu lu nngai.

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

SHAKAWN KUNGDAWN 22:1

Nye a Karai Wa e, nye a Karai Wa e, nang hpa rai ngai hpe kau da nga n ta? Ngai hpyi jahtau ai ga gaw, ngai hpe karum na wa hte tsan nga ai.

SHAKAWN KUNGDAWN 27:9

Na a myi man ngai kaw na hkum makoi kau u; Masin pawt ai hte na a mayam wa hpe hkum kau da et: Ngai hpe karum ai wa nang rai nga nit dai; Ngai hpe hkye hkrang la ai Karai Kasang e, Ngai hpe hkum gang kau et, ngai hpe hkum jahti da et.

SHAKAWN KUNGDAWN 30:7

Yehowa e, nang gaw na a n-gaw nnyeng hte nye a bum hpe shangang da nu ai; Na a myi man hpe makoi kau yang, ngai mak mak rai nga nngai.

SHAKAWN KUNGDAWN 44:24

Nang hpa rai na a myi man hpe up da nga nna, Anhte a ru tsang ai hte tsin-yam tsindam hpe malap kau ya nga n ta?

SHAKAWN KUNGDAWN 44:25

Anhte a myit masin, ga nhpu e dagup nga nna, Anhte a sinda, ga hta kap nga ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chyalu rai nga ai.

SHAKAWN KUNGDAWN 88:14

Yehowa e, nang hpa rai nye a myit masin hpe kau da nga n ta? Na a myi man nang hpa rai kayin la kau n ta?

YEREMIA 14:8

Israela amyu a myit mada ai wa ru tsang hkrum ai aten e, Hkye hkrang la ai wa e, nang gaw ndai mung hta manam hte, shana shalai na dabang tam ai malet nhprang wa zawn, hpa majaw tai nga n ta?

YEREMIA 14:9

Mak mat ai wa hte, n mawai la lu ai share wa zawn, hpa majaw tai nga n ta? gaja wa, Yehowa e, nang gaw anhte a ka-ang e shanu nga ndai; anhte gaw na a mying hte shamying ai ni tai saga ai; anhte hpe hkum kau da mi law.