SHAKAWN KUNGDAWN 1:3 - Jinghpaw Hanson Version Bible

³ Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

Jinghpaw Common Language Bible 2009

³ Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 1:3 ပူးပေါင်းရင်းမြစ်များ

NINGPAWT NINGHPANG 39:23

Yehowa gaw Yawsep hte rau nga ai rai nna, shi galaw ai lam mahkra Yehowa shabyin ya wu ai majaw, htawng agyi wa gaw shi hte seng ai amu langai mi muk yu ra sai n rai.

NINGPAWT NINGHPANG 39:3

Yehowa shi hte rau nga ai rai nna, shi galaw ai amu yawng mayawng hta, Yehowa sha-awng ya wu ai gaw, shi a madu mu ya wu ai.

2 HKAWHKAM 18:7

Shing rai Yehowa gaw shi hte rau nga nga ai; lam shagu hta shi awng wa lu ai; shi Asuri hkawhkam hpe gumlau nna, shi hpe daw jau wu ai, n rai.

1 HKAWHKAM LABAU 22:11

Ya ngai sha e, Yehowa nang hte rau rai nga u ga; nang galu kaba wa nna, Yehowa na a lam tsun ai hte maren, na a Karai Kasang Yehowa a nta hpe galaw da u.

1 HKAWHKAM LABAU 22:13

Yehowa gaw Mawshe hpe Israela amyu ni a lam hkang da ai matsun maroi ga hte tara dara ai ga hpe, nang hkan nang n yang gaw, ngamu ngamai ai hkrum na ndai: n-gun da ting nna myit nden shaja u: hkum hkrit et, myit hkum hten et;

2 HKAWHKAM LABAU 31:21

Shi a Karai Kasang hpe hkan tam let, Karai Kasang a nta e daw jau ai amu, jep ai tara hte seng ai amu, hkang da ai ga hte seng ai amu, hpa lam mung galaw hpang yang, myit masin mahkra hte galaw nna, awng wa lu ai.

2 HKAWHKAM LABAU 32:23

Masha law law wa, Yehowa a matu, Yerusalem de kumhpaw kumhpa la sa nna, Yuda hkawhkam Hezekia hpe manu hpu ai baw sak jaw mu ai: dai rai nna shi gaw, dai aten kaw nna, masha amyu mahkra a man e daru magam rawng nga ai.

YOBA 14:9

hka salu a majaw maku bai prut nna, abawng zawn makrung krung na ra ai.

YOBA 22:28

Nang myit shatawng ai hku byin wa nna, nang sa wa ai lam hta nhtoi htoi na ra ai.

SHAKAWN KUNGDAWN 128:2

Na a lata a amu nang sha lu na ndai, nang a lu nna ngamai lu na ndai.

SHAKAWN KUNGDAWN 129:8

“Yehowa a shaman ai gaw, nanhte a ntsa e nga nga u ga, Yehowa a amying hte anhte nanhte hpe shaman ya ga ai,” nga nna lai hprang ai ni mung n tsun lu mu ga.

SHAKAWN KUNGDAWN 92:14

Yehowa dingman nga ai gaw, shana ya lu na, Shanhte gaw prat nga ai shaloi e asi naw si nna, Sau rawng ai hte kat kat rai na mara ai.

SHAKAWN KUNGDAWN 92:15

Shi gaw, nye a lunghkrung rai nga ai. Shi hta e n ding ai, hpa mung n nga nga ai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

ESAIA 44:4

shanhte gaw hka hkawng makau na mu mahka hpun zawn, tsingdu hte rau tu na mara ai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

YEREMIA 17:8

dai wa gaw hka masawn e hkai nna, hka kau e ru hkram ai hte, nlum ta du na hpe n hkrit nga ai, alap mung n nyip ai hpun hte bung nga ai: jan gri timung shi tsang shara n nga ai; asi n si ai galoi n nga lu ai.

EZEKELA 17:8

Dai tsabyi ru chyawm gaw, ru kaja tai nna, lakung lakying kung dam wa na hte si si na matu, hka law ai shara, ga sau rawng ai na lawk hta, hkai da nu ai.”

EZEKELA 19:10

“Na nnu gaw, nang hte bung nna, hka kau e hkai ai tsabyi ru zawn rai nga ai: hka law ai majaw, shi lakung lakying kying nna, asi si nga ai.

EZEKELA 31:5

Dai re ai majaw de a shing-yan gaw pa ga na hpun ni mahkra hta grau tsaw nga ai; de a lakung ni law htam wa nna, hka law law nga ai majaw, galu ai lakying ni tu ma ai.

EZEKELA 47:12

Dai hka nu hkin-gau maga mi hte maga mi de, sha mai ai hpun amyu myu tu na ra ai; de a lap mung n nyip, asi mung n wai na ra ai: dai hka nu gaw chyoi pra ai shara na lwi pru ai majaw, dai hpun ni gaw shata shagu asi ningnan si na mara ai: asi gaw sha na matu, alap gaw ana ahkya shamai shatsai na matu, tai na ra ai,” nga nna ngai hpe tsun ai.

BU HKAWM 24:6

Dai ni gaw dam lada re ai kadit ni hte, Hka kau na sun ni zawn; Yehowa hkai ai maza hpun ni hte, Hka kau e tu ai marau hpun ni zawn, ut rai nga ai.

MAHTE 13:6

jan pru katen jang krau mat wa ai rai nna, ru n jung lu ai majaw hkraw mat wa ai.

MAHTE 21:19

Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.

MAHTE 21:34

Ya, asi ngai ai aten du jang, shi a asi sa la mu ga, sun galaw ai ni hpang de, shi a mayam ni hpe shangun dat mu ai.

MAHTE 21:41

Shanhte gaw, “Shi dai nkru ai ni hpe, n hkru ai hku jahten kau na mu ai rai nna, aten ram jang shi hpe asi jaw lu ai masha kaga hpe, dai sun htawt shap ya na ru ai,” ngu nna shi hpe htan mu ai.

YAWHAN 15:6

Ngai hta n jung n noi ai wa gaw, lakung lakying hpe zawn kabai kau ai hkrum nna hkraw mat wa ai hte, masha ni e magawn la nhtawm, wan hta kabai bang nna, hkru krawp mat ai kaw du wa ai.

TARA JAHPRANG 28:8

Na a sutdek hta mung, nang galaw ai lam magup hta mung, Yehowa gaw na a ntsa e chyeju shaman lu la na hku tsun ya na rin dai: na a Karai Kasang nang hpe jaw ai mung hta nang hpe shaman ya na ra ai.

YUDA 1:12

Shanhte gaw, nanhte hte rau poi galaw sha ai shaloi jang, nanhte a tsawra poi ni hta makoi nga ai lungbra ni, rai nga ma ai: hpa n hkrit kaya let, tinang hkum sha jau la ai sagu rem ai ni mung, rai nga ma ai: nbung e shapoi nna marang n rawng ai sumwi; lahkawng lang si mat nna, ru hte nawng baw kau ai, asi n si ai ginhtawng jaga na hpun;

SHINGRAN 22:2

Dai hka nu a hkin-gau maga mi hte maga mi de, asi amyu shi lahkawng si ai asak jahkrung ai hpun tu nga ai rai nna, de a asi mung shata shagu si nga ai: dai hpun a lap ni mung, masha amyu ni a ana shamai shatsai na matu rai nga ai.