RUHTA 4:9 - Jinghpaw Hanson Version Bible

⁹ Shaloi Bua gaw, agyi salang ni hte shawa masha ni hpe, “Elimelek a sali ngu na, Hkilion a sali hte Malon a sali yawng, Naomi a lata na ngai mari se ai gaw, dai ni nanhte nye a sakse ni rai manit dai.

Jinghpaw Common Language Bible 2009

⁹ Dai hpang Bua gaw ningbaw ni hte dai shara hta sa dung madat lawm nga ai ni yawng a man e, “Nanhte yawng gaw dai ni Elimelek hte shi a kasha yan rai nga ai Hkilion hte Malon ni madu ai arung arai yawng hpe Naomi a lata kaw nna ngai mari la sai a sakse ni rai nga manit dai.

RUHTA 4:9 ပူးပေါင်းရင်းမြစ်များ

NINGPAWT NINGHPANG 23:11

“Shing n rai, nye a Madu e, nye a ga madat ya e; dai ga dachyawk hte nawng dai kaw na ginlawng hku ngai nang hpe jaw de ai; nye a amyu masha mahkra hte a man e nang hpe ngai jaw nga nngai: na a madu jan si mang hpe lup makoi u,” ngu nna htan wu ai.

RUHTA 1:2

Dai wa a amying gaw Elimelek, madu jan a amying gaw Naomi, kasha yan a amying gaw Malon hte Hkilion rai ma ai: shanhte gaw Yuda mung Betlehem na Ehprahta masha rai ma ai; shaloi shanhte Moba mung du nna, dai de nga nga ma ai.

RUHTA 4:10

Dai hta kaga, si ai wa a amying hpe shi a kahpu kanau hpawng hta na mung, shi rawng ai mare a chyinghka kata na mung n htum mat hkra, shi a sali ga hta e shi a amying madat da na matu, Malon a gaida, Moba num Ruhta hpe, nye a num shatai na, ngai mari se ai mung, dai ni nanhte sakse rai manit dai,” ngu nna tsun wu ai.

RUHTA 4:8

Dai rai nna Bua hpunau wa gaw, “Nang mari u,” nga nna shi a kyepdin raw wu ai.