RUHTA 4:6 - Jinghpaw Hanson Version Bible

⁶ Shaloi dai hpunau wa gaw, “Dai rai yang gaw ngai n mari lu na nngai; mari yang mung, nye a sali ga jahten na tai ai: dai majaw ngai n shaw lu ni ai; nang shaw la nu,” ngu nna tsun wu ai.

Jinghpaw Common Language Bible 2009

⁶ Dai masha wa gaw, “Ndai amu hta yi mari la na nye a ahkaw ahkang hpe ngai bai dawm kau na we ai, hpa majaw nga yang, dai hpe nye a kashu kasha ni n hkam la lu na lachyum pru wa ai majaw rai nga ai. Nang mahtang dai hpe shaw la u; ngai n mari na ni ai,” ngu nna htan wu ai.

RUHTA 4:6 ပူးပေါင်းရင်းမြစ်များ

NINGPAWT NINGHPANG 38:8

Shaloi Yuda gaw Onan hpe, Na nhpu a madu jan kaw shang nna shi hte kahkyin u; na nhpu a matu mara shapraw ya u, ngu wu ai.

JAW JAU 25:25

Na nhpu nnau wa matsan mayan hkrum nna, shi lu ai aga kau chyen dut kau ai rai yang, shi hte ni ai kahpu kanau wa gaw dut kau sai rai hpe hkrang shaw karum na rai wu ai.

TARA JAHPRANG 25:7

Kanau wa mahtang karat hpe n hta hkraw ai rai yang, dai numsha gaw agyi salang ni nga ai mare chyinghka de sa nna, “nye a karat wa gaw, kahpu wa a amying hpe Israela amyu hta n matut mayu nga ai; lashum lanoi ang ai hte maren, n shum n noi hkraw nga ai,” ngu nna sa tsun dan na rai wu ai.

TARA JAHPRANG 25:8

Shaloi mare na agyi salang ni gaw dai wa hpe shaga la nna san yu na rai mu ai: shi mung, “Num ndai hpe ngai n hta mayu nngai,” nga nna ndang ting ting re ai rai yang gaw;

TARA JAHPRANG 25:9

dai numsha, agyi salang ni a man e shi kaw sit sa nna shi a kyepdin raw kau ya ai hte, shi a myi man hta mayen mahtaw bun ya let, “Tinang kahpu a nta n gap mayu ai wa hpe gaw, ning di ma ai,” ngu nna shi hpe tsun na rai wu ai.

RUHTA 2:20

Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

RUHTA 3:13

Dai na gaw naw nga nu; hpawt ni e lam ang ai hte maren, dai wa, shi hta mayu yang, hta u ga; hta sa yang mung mai sai: shi n hta mayu yang gaw, Yehowa anga nga ai hte maren ngai hta na de ai; nhtoi htoi hkra naw yup nga u,” ngu wu ai.

RUHTA 3:9

Shaloi shi gaw, “Nang kadai rai ta?” ngu wu yang, “Ngai na a mayam jan Ruhta rai nga nngai; nang gaw ngai e hta ang ai nta chyen rai ndai majaw, na a mayam jan hpe, na pahpun hte jahpum la ni,” ngu wu ai.