RUHTA 4:5 - Jinghpaw Hanson Version Bible

⁵ Bai Bua gaw, “Dai ga dachyawk hpe Naomi lata na mari ai shani e, si mat ai wa a sali ga majaw, shi a amying n mat na matu, shi a madu jan Moba num Ruhta a lata na mung mari ra na re ai,” ngu nna tsun wu ai.

Jinghpaw Common Language Bible 2009

⁵ Bua gaw, “Grai kaja sai, nang lama rai nna Naomi kaw na yi dai hpe mari shaw la ai shaloi, Moba masha gaida Ruhta hpe mung nang mari la ra nga ndai. Dai yi gaw n nga mat wa sai masha wa a dinghku hta ngam nga na ra ai,” ngu nna tsun wu ai.

RUHTA 4:5 ပူးပေါင်းရင်းမြစ်များ

NINGPAWT NINGHPANG 38:8

Shaloi Yuda gaw Onan hpe, Na nhpu a madu jan kaw shang nna shi hte kahkyin u; na nhpu a matu mara shapraw ya u, ngu wu ai.

MAHTE 22:24

“Sara e, masha langai ngai kasha garai n kap ai si mat timung shi a kanau gaw karat hpe kahkyin la lu na rai nna, kahpu a matu htinggaw shachyaw u ga,” nga nna Mawshe htet da mi ai.

LUKA 20:28

“Sara e, num lu ai kahpu wa, kashu kasha n kap ai si mat yang gaw, kahpu a gaida hpe kanau wa hta nna, kahpu a matu mara shachyaw u ga, nga nna Mawshe gaw anhte hpe ka da ya ma ni ai.

TARA JAHPRANG 25:7

Kanau wa mahtang karat hpe n hta hkraw ai rai yang, dai numsha gaw agyi salang ni nga ai mare chyinghka de sa nna, “nye a karat wa gaw, kahpu wa a amying hpe Israela amyu hta n matut mayu nga ai; lashum lanoi ang ai hte maren, n shum n noi hkraw nga ai,” ngu nna sa tsun dan na rai wu ai.