RUHTA 4:17 - Jinghpaw Hanson Version Bible

¹⁷ Shi a htingbu jan ni mung, “Naomi shadang sha lu nu ai,” nga ma ai rai nna, ma dai hpe Obed, ngu shamying mu ai: dai wa gaw, Dawi a kawa Yese hpe shaprat wu ai.

Jinghpaw Common Language Bible 2009

¹⁷ Shi a htingbu jan ni mung sa nna ma dai hpe Obed ngu shamying ya ma ai. Shanhte langai hte langai mung, “Naomi hta shadang sha langai lu nu ai!,” ngu nna tsun ma ai. Obed gaw Dawi a kawa Yese hpe shaprat wu ai.

RUHTA 4:17 ပူးပေါင်းရင်းမြစ်များ

RUHTA 4:16

Shaloi Naomi gaw ma dai hpe la nna, shi a lahpyen e pawn ba maka wu ai.

RUHTA 4:18

Da ndai gaw Hparet a lakung lama ni a ahtik labau rai ma ai: Hparet a kasha Hezron;

RUHTA 4:22

Obed a kasha Yese; Yese a kasha Dawi, rai nga ma ai.

1 SAMUELA 16:1

Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

1 SAMUELA 17:12

Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.