RUHTA 4:14 - Jinghpaw Hanson Version Bible

¹⁴ Dai re ai majaw numsha manang ni gaw Naomi hpe, “Dai ni, na nta matu n jahtum ya ai Yehowa gaw a nga u ga law; ya shangai ai wa mung, Israela amyu hta arawng dan hkung nga u ga law.

Jinghpaw Common Language Bible 2009

¹⁴ Numsha manang ni gaw Naomi hpe, “Dai Madu hpe shakawn kungdawn nga u! Shi gaw nang hpe yu lanu lahku na matu dai ni nang hpe kashu langai shaman ya nit dai. Dai ma gaw Israela amyu hta arawng dan hkung ai ma tai wa sanu ga law!

RUHTA 4:14 ပူးပေါင်းရင်းမြစ်များ

NINGPAWT NINGHPANG 12:2

ngai nang hpe amyu kaba shatai na de ai rai nna, na a amying hpe galu kaba shangun ya na we ai; nang mung chyeju daju tai nga et.

NINGPAWT NINGHPANG 24:27

“Shi a chyeju matsan dum ai myit hte sadi sahka re ai myit, nye a madu hta na n dawm la ai, nye a madu Abraham a Karai Kasang Yehowa gaw a nga u ga law: lam e hkawm sa nga ai ngai hpe mung, nye madu a kanau ni a nta de Yehowa woi madun ni ai,” nga ai.

NINGPAWT NINGHPANG 29:35

Bai shi na-um nasin rai nna shadang sha shangai wu ai. Shaloi shi gaw, “Ya gaw ngai Yehowa hpe shakawn na we ai,” nga nna shi hpe Yuda ngu shamying wu ai: dai hpang kasha n shaprat ai shalung nga mat ai.

LUKA 1:58

Dai Madu gaw shi a chyeju chyalai shajan shi hpe madun wu ai gaw, htingbu ni hte mayu dama ni na ma ai rai nna, shi hte rau kabu gara ma ai.

ROMA 12:15

Kabu gara re ai ni hte rau kabu gara nga mu; hkrap ngu hkrap ngoi re ai ni hte rau hkrap ngu hkrap ngoi nga mu.

1 KORINHTU 12:26

Shing rai daw shan langai mi nji nmu hkrum yang, daw shan nlang hte gaw rau machyi dum ma ai; daw shan langai mi shagrau ai hkrum yang, daw shan nlang hte gaw rau kabu gara nga ma ai.

1 HTESALONI 5:18

kaning rai nme law, dai gaw Hkristu Yesu hta e nanhte a lam Karai Kasang a myit ra ai hku rai nga ai.

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.