RUHTA 4:10 - Jinghpaw Hanson Version Bible

¹⁰ Dai hta kaga, si ai wa a amying hpe shi a kahpu kanau hpawng hta na mung, shi rawng ai mare a chyinghka kata na mung n htum mat hkra, shi a sali ga hta e shi a amying madat da na matu, Malon a gaida, Moba num Ruhta hpe, nye a num shatai na, ngai mari se ai mung, dai ni nanhte sakse rai manit dai,” ngu nna tsun wu ai.

Jinghpaw Common Language Bible 2009

¹⁰ Dai hta kaga, Malon a gaida jan, Moba amyu shayi Ruhta mung, nye a madu jan rai sai. Dai lam gaw si mat sai masha wa a dinghku na sut gan arung arai hte shi a dinghku matu mara ni shi a mare hte amyu masha ni a lapran matut htuk shachyaw na lam rai nga ai. Dai ni, nanhte gaw ndai lam yawng a sakse ni rai nga manit dai,” ngu nna tsun wu ai.

RUHTA 4:10 ပူးပေါင်းရင်းမြစ်များ

NINGPAWT NINGHPANG 29:27

ndai nhtoi bat mi naw la u: dai hpang sanit ning nang naw galaw jaw na matu kaga hpe mung anhte ya na ga ai,” ngu nna htan wu ai.

NINGPAWT NINGHPANG 38:9

Onan chyawm gaw kasha lu jang, shi a kasha ngu na n re ai chye nna, kahpu a matu mara n shapraw ya mayu ai majaw, kahpu a madu jan kaw shang yang, ga de dingsa jahkaw kau wu ai.

SHAKAWN KUNGDAWN 109:15

Dai gaw, Yehowa a man e tut tut anga nga nna, ga hta na shanhte a masat dingsat shaprai kau u ga.

SHAKAWN KUNGDAWN 34:16

N hkru ai amu galaw ai ni a matsing shara, Ga ntsa na shaprai kau na, Yehowa a myi man da nga ai.

GA SHAGAWP 18:22

Madu jan lu ai wa gaw mai kaja ai hpe lu nu ai rai nna, Yehowa a chyeju hpe hkam la nu ai.

GA SHAGAWP 19:14

Nta hte sutgan gaw, kanu kawa a sali wunli rai nga ai; Myit gawp ai madu jan chyawm gaw, Yehowa kaw na rai nga ai.

ESAIA 48:19

na a aru arat ni zaibru zawn, na a kashu kasha ni gaw hka kau na lung sha zawn tai wa na mara ai: shi a amying gaw nye a man e shamyit kau ai hte htum mat hkrum na n rai.

HOSEA 12:12

Gilead mung, n shawp ai amu galaw ai rai yang, dai gaw be be kaman sha tai na ra ai: Gilgala hta usu nawng ya ai rai yang, shanhte a tawn hkungri ni gaw, yi hkauna hta dawng ai nlung sumpum zawn, tai na ra ai.”

HOSEA 3:2

Shing rai ngai dai num hpe gumhpraw tawng shi manga, muk-yaw mam dang hpai hte shaw la nhtawm,

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

MALAHKI 2:14

Rai timung nanhte gaw, Hpa majaw rai ta? nga nna san myit dai. Yehowa gaw nang hte, na brang ram prat na madu jan a lapran e, sakse tai nga ai majaw, rai nga ai: shi gaw na a kanawn manang hte, nang ga sadi tawn da ai madu jan rai nga timung, nang shi hpe hkalem hkalau ai hku galaw nu ai.

EHPESU 5:25

La ni e, Hkristu gaw dai Hpung hpe tsawra nna, shi hkum hpe nan de a matu ap kau ya wu ai hte maren, nanhte a madu jan ni hpe tsawra nga mu.

TARA JAHPRANG 25:6

Shing rai Israela amyu hta kahpu a amyu matu n mat hkra, shawng shangai ai kasha gaw si mat sai kawa di a matu mara tai na rai nga ai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

YAWSHU 7:9

Hkanani masha ni hte ndai mung na masha ni nlang ndai na na mara ai rai nna, anhte hpe sa wang nhtawm, anhte a mying hpe ga ntsa na shamyit kau ya na mara ai; dai rai nna na a galu kaba ai mying ningsang matu, kaning di na wu ta?” nga nna sa lajin wu ai.

RUHTA 4:9

Shaloi Bua gaw, agyi salang ni hte shawa masha ni hpe, “Elimelek a sali ngu na, Hkilion a sali hte Malon a sali yawng, Naomi a lata na ngai mari se ai gaw, dai ni nanhte nye a sakse ni rai manit dai.