RUHTA 4:1 - Jinghpaw Hanson Version Bible

¹ Ya Bua gaw mare chyinghka de sa dung nna, shana e shi tsun ai hpunau wa lai wa jang, “Wora hpawa wa e, nang de naw kayin dung yu rit,” ngu nna shaga wu ai. Dai wa mung kayin nna, dung nga ai.

Jinghpaw Common Language Bible 2009

¹ Bua gaw mare chyinghka makau e nga ai zup hpawng ginra de sa nna dai shara hta dung nga ai. Dai hpang Bua tsun dan yu sai Elimelek a dinghku chyen na hpu nau wa lai wa nga yang, Bua gaw shi hpe shaga nna, “Nye a jinghku wa e ndai shara de kayin shang wa nna shang dung rit,” ngu nna tsun lajin wu ai. Dai rai nna shi gaw dai shara de sa wa nna sa dung nga ai.

RUHTA 4:1 ပူးပေါင်းရင်းမြစ်များ

NINGPAWT NINGHPANG 19:1

Dai lamu kasa yan gaw nrim e Sodom mare de sa du ma ai; Lawt gaw Sodom mare chyinghka lam e dung nga ai: shaloi Lawt gaw dai yan hpe mu nna, sa tau la na nga rawt sa nhtawm, shi a myi man ga de dagup let,

NINGPAWT NINGHPANG 23:10

Ehprun mung Heti a kashu kasha ni a ka-ang e dung nga ai: shaloi dai Heti masha Ehprun gaw, shi a mare chyinghka de shang mashang ni ngu ai, Heti masha ni nlang hte a man e Abraham hpe,

NINGPAWT NINGHPANG 34:20

Shaloi Hamura hte kasha wa Shehkem gaw shanhte a mare chyinghka de sa nna mare masha ni hpe shaga tsun mu ai gaw:

2 SAMUELA 15:2

Absalom mung jau jau rawt nna, mare chyinghka lam e tsap nga nga re ai: ya amu rawng ai wa tara sa dara na nga, hkawhkam wa hpang de sa jang, Absalom mahtang dai wa hpe hkap shachyen let, “Nang gara mare na rai n ta?” ngu nna san wu ai. Dai wa mung, “Na a mayam wa, dai wora Israela lakung na rai nga nngai,” nga nna htan jang;

2 HKAWHKAM LABAU 18:9

Ya Israela hkawhkam hte Yuda hkawhkam Yehosahpat gaw, hkawhkam hpun palawng bu hpun let, Samari mare na chyinghka lam a ndaw e, tinang nang a tingnyang hta dung nga ma ai rai nna, myihtoi ni mahkra gaw shan a man e htoi nga ma ai.

YOBA 29:7

Mare chyinghka de ngai pru nna, mare htingwan e nye dung shara hkyen da yang,

YOBA 31:21

mare chyinghka e ngai hpe maga ai ni dung nga ai majaw, jahkrai ma ni hpe ngai mara shagun ai rai yang,

SHAKAWN KUNGDAWN 69:12

Mare chyinghka e dung ai ni, nye a lam kajai nna, Chyaru nang ai ni, laka ga hte ngai hpe asawng ma ai.

GA SHAGAWP 31:23

Shi a madu wa gaw, mare chyinghka lam hta; Mung du salang ni hte dung nna, dan hkung nga ai.

ESAIA 55:1

Hpang kara hkrum ai ni yawng hte e, ntsin ga ai de sa marit; gumhpraw n lu ai ni e, sa marit, mari nna lusha mu; gaja wa, sa marit, gumhpraw mung, manu jahpu mung, n hkrat ai sha, tsabyi jahku hte nga chyu hpe mari lu mu.

YEREMIA 32:10

Ga sadi laika hpe mung, ngai mying shakap nna, dazik dawk nhtawm, sakse ni hpe shaga la nna, gumhpraw hpe joi hte shen ya we ai.

AMO LAIKA (AMOS) 5:15

N kaja ai hpe n dawng nna, kaja ai hpe tsawra mu: mare chyinghka lam e tara malang ai hku tawn da mu: shing rai yang, Zaw nawng zaw wa up ai Karai Kasang Yehowa gaw, naw ngam nga ai Yawsep a masha ni hpe, matsan dum dam nhten.

ZEHKARIA 2:6

“He, he, dingdung maga de na hprawng wa marit, nga nna Yehowa tsun ai; kaning rai nme law, sumsing lamu na nbung mali zawn, ngai nanhte hpe shabra dat nngai,” nga nna Yehowa tsun ai.

TARA JAHPRANG 16:18

Na a Karai Kasang Yehowa nang hpe jaw ai mare shagu hta, na a amyu e hkan nna, tara agyi hte du agyi tawn da na rai ndai; shanhte gaw amyu masha ni hpe dingman ai hku tara dara ya na rai mu ai.

TARA JAHPRANG 17:5

dai n shawp ai amu shapraw ai numsha, lasha hpe, na a mare chyinghka de woi sa nhtawm, dai numsha, shing n rai, dai lasha hpe nlung hte kabai sat kau na rai myit dai.

TARA JAHPRANG 21:19

kanu yan kawa gaw kasha hpe dun nna, mare na agyi salang ni nga ai shi a mare chyinghka de woi sa nhtawm:

TARA JAHPRANG 25:7

Kanau wa mahtang karat hpe n hta hkraw ai rai yang, dai numsha gaw agyi salang ni nga ai mare chyinghka de sa nna, “nye a karat wa gaw, kahpu wa a amying hpe Israela amyu hta n matut mayu nga ai; lashum lanoi ang ai hte maren, n shum n noi hkraw nga ai,” ngu nna sa tsun dan na rai wu ai.

YAWSHU 20:4

Dai wa gaw mare langai ngai de hprawng nna, mare chyinghka e tsap nhtawm, dai mare na salang ni hpe shi a lam tsun dan na rai wu ai: shaloi dai ni gaw shi hpe mare kata de shawn la nhtawm, shanhte kaw nga nga shangun na rai mu ai.

RUHTA 3:12

Ngai mung, nang hpe hta ang ai nta chyen re ai gaw, teng nngai; rai timung, ngai hta grau ni ai hpunau wa langai mi naw nga ai.

RUHTA 3:18

Shaloi kamoi gaw, “Ngai nam e, ndai amu kaning rai ngut wa na, chye lu hkra, naw la madat yu u: la dai re ai gaw, dai ni amu ndai n ngut ai, n tawn da na nu ai,” ngu wu ai.