RUHTA 3:9 - Jinghpaw Hanson Version Bible

⁹ Shaloi shi gaw, “Nang kadai rai ta?” ngu wu yang, “Ngai na a mayam jan Ruhta rai nga nngai; nang gaw ngai e hta ang ai nta chyen rai ndai majaw, na a mayam jan hpe, na pahpun hte jahpum la ni,” ngu wu ai.

Jinghpaw Common Language Bible 2009

⁹ Shi gaw, “Nang kadai rai nga n ta?,” ngu nna san dat wu ai. Shi gaw, “Madu e, Ruhta rai nngai. Nang gaw ngai hpe hta ang ai ni htum ai nta chyen rai nga ndai majaw, ngai hpe yu lanu lahku na lit lu nga ndai. Dai re ai majaw, chyeju hte ngai hpe hkungran la rit,” ngu nna htan wu ai.

RUHTA 3:9 ပူးပေါင်းရင်းမြစ်များ

EZEKELA 16:8

Ya dai hku ngai lai nna, nang hpe mada yu yang, yu u, nang hkawn ram prat du ai majaw, ngai gaw nye a palawng galu hpyan nna, na a singgu krin hpe magap nngai; shaloi ngai na a matu dagam nna, ga shaka tawn da ai hte, nang nye a num tai ndai,” nga nna Madu Yehowa tsun ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

RUHTA 2:20

Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

RUHTA 3:10

Bua mung, “Ngai sha e, Yehowa nang hpe shaman ya nit ga law; nang sut su ai la shabrang, matsan ai la shabrang kadai hpe mung n myit ndai majaw, shawng na galaw jaw ai chyeju hta, hpang na chyeju grau kaba salit dai.

RUHTA 3:12

Ngai mung, nang hpe hta ang ai nta chyen re ai gaw, teng nngai; rai timung, ngai hta grau ni ai hpunau wa langai mi naw nga ai.

RUHTA 3:8

Ya yuptung hpawa e la wa gaw kajawng nna, kayin dat yang, yu u, numsha langai shi a lagaw nhpang e taw nga ai.

RUHTA 4:4

ya nang e dung nga ai ni hte, nye mare salang ni a man e, nang, mari u,” ngu nna bawng mayu nga nngai: nang shaw mayu yang shaw u; shing n rai, ngai hpe tsun e; nang hta kaga shaw ang ai masha shaje n nga ai; nang hta na lai jang gaw ngai hta ang sai,” ngu wu ai. Dai wa mung, “Ngai shaw na,” ngu wu ai.

RUHTA 4:6

Shaloi dai hpunau wa gaw, “Dai rai yang gaw ngai n mari lu na nngai; mari yang mung, nye a sali ga jahten na tai ai: dai majaw ngai n shaw lu ni ai; nang shaw la nu,” ngu nna tsun wu ai.

1 SAMUELA 25:41

Shing rai Abigela rawt nna, ga de dingnyawm dagup let, “Yu u, ngai gaw, nye madu a shangun ma ni a lagaw kashin ai mayam rai dam u ga,” nga nna tsun nhtawm,