RUHTA 3:7 - Jinghpaw Hanson Version Bible

⁷ Ya Bua gaw lusha ngut nna myit pyaw let, mam sumpum makau e sa yup nga ai: shaloi Ruhta mung, atsin sha sit sa nhtawm, shi a lagaw magap ai nba kawaw nna taw lawm nga ai.

Jinghpaw Common Language Bible 2009

⁷ Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.

RUHTA 3:7 ပူးပေါင်းရင်းမြစ်များ

NINGPAWT NINGHPANG 43:34

Shi kaw nna langai hte langai hpe shat lusha shalai jaw dat wu ai; Ben-yamin hpe jaw ai gaw kahpu ni hpe jaw ai hta htam manga law nga lu ai: shaloi shanhte lu sha nna shi hte rau pyaw nga ma ai.

2 SAMUELA 13:28

Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

1 HKAWHKAM 21:7

Dai rai nna shi a madu jan Yezebela gaw, “Nang Israela mungdan hpe up nga ai n rai ni? rawt u, shat sha nna pyaw pyaw nga u: ngai mahtang Yezrela masha Nabot a tsabyi sun nang hpe sak jaw na de ai,” ngu nna shi hpe tsun shalan wu ai.

ESHTA 1:10

Sanit ya ngu ai nhtoi hta e, hkawhkam wa gaw tsabyi lu ai hte myit pyaw nga ai shaloi jang, mung masha ni hte du ni hpe, hkawhkam jan Washti a hpraw tsawm ai hpe madun dan na matu,

SHAKAWN KUNGDAWN 104:15

Tsabyi jahku masha a myit hpe shapyaw ya nga ai, Shi a myi man namman hte htoi nga ai: Ashat mung masha a myit hpe shadaw ya nga ai.

HPAJI NINGLI 10:19

Kabu gara nga na matu, poi galaw nga nna, tsabyi jahku ngwipyaw shangun nga ai: gumhpraw mung, lam shagu hpe dang nga ai.

HPAJI NINGLI 2:24

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai.

HPAJI NINGLI 8:15

Shaloi ngai gaw pyaw daw lam shakawn nga nngai: kaning rai nme law, lusha na hte pyaw pyaw nga ai hta kaga, shinggyim masha gaw jan a npu e grau kaja ai lam n chye nga ai: dai gaw, jan a npu e, shi hkrung nga ai prat tup matu, Karai Kasang shi hpe jaw da ai amu bungli agrin nga ai akyu rai nga ai.

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

1 KORINHTU 10:31

Dai re ai majaw, nanhte sha timung, lu timung, hpa galaw timung, nga manga hta Karai Kasang a hpung shingkang tam let, galaw nga mu.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

TARA AGYI 16:25

Ya shanhte myit pyaw bu nga ma ai rai nna, “Samson hpe woi wa marit; anhte a man e ginsup dan lu ga,” nga ma ai. Shing rai, Samson hpe htawng na woi wa mu ai rai nna, shi shanhte a man e ginsup nga ai: shi hpe dai jawng shadaw lapran e tawn da mu ai.

TARA AGYI 19:22

Shing rai apyaw alaw nga nga ma yang, dai mare na n hkru ai masha nkau mi, nta dai hpe sa wang nna, chyinghka sa adup mu ai: nta madu dingla hpe mung shaga nna, “Na nta de shang wa ai la wa hte nga sha mayu ga ai, shapraw dat ru,” ngu mu ai.

TARA AGYI 19:6

Shing rai shan lahkawng dung nna, rau lu rau sha ma ai; bai katsa wa gaw, “Dai na sha naw hkring nna, pyaw pyaw naw nga u,” ngu nna kahkri hpe tsun wu ai.

TARA AGYI 19:9

Ya dai wa gaw, shi a lashi num yan shangun ma hte wa sa na nga rawt ma yang, katsa gaw, “Yu u, jan du wa sai, dai na naw hkring mu; shani nhtoi htum magang wa sai, nang e naw yup nna, pyaw pyaw nga nga mu; hpawt de she hkawn nna, nanhte ga de wa mu,” ngu nna kahkri wa hpe tsun wu ai.

RUHTA 3:6

Shaloi shi chyarang de yu wa nna, kamoi tsun ai hte maren galaw wu ai.

RUHTA 3:8

Ya yuptung hpawa e la wa gaw kajawng nna, kayin dat yang, yu u, numsha langai shi a lagaw nhpang e taw nga ai.