RUHTA 3:3 - Jinghpaw Hanson Version Bible

³ Dai rai nna, nang hka shin, sau chya rai nna, hpun palawng sumli la nhtawm chyarang de sa su: rai timung, shi shat garai n sha ngut jang, na hkum shi hpe hkum madun et.

Jinghpaw Common Language Bible 2009

³ Dai rai nna, nang hka shin, manam pyaw ai sau ni chya ai hte kaja reng ai bu hpun palawng ni hte sumli da u. Dai hpang shi mam kabye nga ai chyarang de sa wa su; rai ti mung, shi lu ngut, sha ngut ai aten du hkra nang dai shara hta du nga ai lam shi hpe hkum chye shangun et.

RUHTA 3:3 ပူးပေါင်းရင်းမြစ်များ

2 SAMUELA 12:20

Shaloi Dawi ga na rawt nna, hka shin ai hte sau chya let hpun palawng galai wu ai; shing rai Yehowa a nta de sa nawku nhtawm, hkaw de bai wa nna, lusha hpyi wu yang, shanhte shachyip ya nna, shi sha nga ai.

2 SAMUELA 14:2

Shaloi Yoab gaw Tekoa mare na zai rawng ai numsha langai mi shaga la nna, “Ya, nang gaw, namman hkum chya et; si ai wa a majaw na na wa sharung shayawt nga ai num zawn tai masu let ayawn hpun palawng bu hpun nna,

ESHTA 5:1

Ya, masum ya e rai yang, Eshta gaw, shi a hkawhkam jan hpun palawng sumraw nna, hkawhkam htingnu tawtap, hkawhkam htingnu a kata wang e tsap nga ai; hkawhkam wa gaw, htingnu a chyinghka lam tawtap na, hkawhkam htingnu kata e, shi a hkawhkam tingnyang hta dung nga ai.

SHAKAWN KUNGDAWN 104:15

Tsabyi jahku masha a myit hpe shapyaw ya nga ai, Shi a myi man namman hte htoi nga ai: Ashat mung masha a myit hpe shadaw ya nga ai.

HPAJI NINGLI 9:8

Na a hpun palawng tutnawng hpraw nga u ga; na a baw sau n kadawn nga u ga.

EZEKELA 16:9

“Shaloi ngai nang hpe hka shin ya nngai; nang hta kap ai sai ngai tsai tsai hka shin kau ya nna, namman hte nang hpe chya ya nngai.

MAHTE 6:17

Nang mahtang lusha gam nga n yang gaw, na a baw hpe naman chya nna, na a myi man hpe myit kau u;

RUHTA 3:2

Ya nang kanawn nga ai manang num ni a madu Bua gaw, ndai nta ni a nta chyen rai nga ai n rai ni? Yu u, dai na shi chyarang e muk-yaw mam yit nna nga nga na la ai.

RUHTA 3:4

Shi yup yang she shi a yup ra matsing la nhtawm, shang wa u, shi a lagaw magap ai nba kawaw nna, hkan taw lawm u: shaloi nang kaning rai na gaw shi tsun na ra ai,” ngu nna achyin dat wu ai.