RUHTA 3:12 - Jinghpaw Hanson Version Bible

¹² Ngai mung, nang hpe hta ang ai nta chyen re ai gaw, teng nngai; rai timung, ngai hta grau ni ai hpunau wa langai mi naw nga ai.

Jinghpaw Common Language Bible 2009

¹² Ngai gaw nang hte ni dik ai nta chyen rai nga ai hte, na a matu lit nga ai masha rai nngai rai tim, ngai hta grau ni ai hpu nau langai naw nga nga ai.

RUHTA 3:12 ပူးပေါင်းရင်းမြစ်များ

MAHTE 7:12

Masha ni nanhte hpe hkan galaw na, nanhte tsaw matsaw hte maren, nanhte mung dai hku shanhte hpe hkan galaw mu: dai gaw, jep ai tara hte myihtoi ni a ga kanu rai nga ai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

RUHTA 2:20

Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

RUHTA 3:11

Dai re ai majaw, ngai sha e, hkum tsang et; nang hpyi mahpyi ngai galaw na nngai: nang sari rawng ai num rai nga ndai gaw, nye a mare na masha ni nlang chye ma ai.

RUHTA 3:13

Dai na gaw naw nga nu; hpawt ni e lam ang ai hte maren, dai wa, shi hta mayu yang, hta u ga; hta sa yang mung mai sai: shi n hta mayu yang gaw, Yehowa anga nga ai hte maren ngai hta na de ai; nhtoi htoi hkra naw yup nga u,” ngu wu ai.

RUHTA 4:1

Ya Bua gaw mare chyinghka de sa dung nna, shana e shi tsun ai hpunau wa lai wa jang, “Wora hpawa wa e, nang de naw kayin dung yu rit,” ngu nna shaga wu ai. Dai wa mung kayin nna, dung nga ai.

RUHTA 4:4

ya nang e dung nga ai ni hte, nye mare salang ni a man e, nang, mari u,” ngu nna bawng mayu nga nngai: nang shaw mayu yang shaw u; shing n rai, ngai hpe tsun e; nang hta kaga shaw ang ai masha shaje n nga ai; nang hta na lai jang gaw ngai hta ang sai,” ngu wu ai. Dai wa mung, “Ngai shaw na,” ngu wu ai.