RUHTA 3:10 - Jinghpaw Hanson Version Bible

¹⁰ Bua mung, “Ngai sha e, Yehowa nang hpe shaman ya nit ga law; nang sut su ai la shabrang, matsan ai la shabrang kadai hpe mung n myit ndai majaw, shawng na galaw jaw ai chyeju hta, hpang na chyeju grau kaba salit dai.

Jinghpaw Common Language Bible 2009

¹⁰ Shi gaw, “Dai Madu gaw nang hpe shaman ya u ga. Na a kamoi hpe nang galaw daw ai hta, dinghku sadi dung ai lam grau kaba nga ai hpe nang madun dan nga ndai. Matsan, lu su n nga, shabrang kadai hpe mung nang mai tam nga tim nang kadai hpe mung n myit ndai.

RUHTA 3:10 ပူးပေါင်းရင်းမြစ်များ

NINGPAWT NINGHPANG 24:31

Shaloi shi gaw, “Yehowa hta a nga ai wa e shang rit; hpa rai shinggan e tsap nga n ta? Ngai nta lajang da se ai, gawla-uk ni rawng na shara mung nga ai,” ngu nna shachyen wu ai.

RUHTA 1:8

Naomi chyawm gaw kanam yan hpe, “Wa manu, nan a nnu nwa nta de wa manu; nan gaw, si mat ai yan hpe mung, ngai hpe mung, galaw jaw manit dai hte maren, Yehowa nan hpe chyeju htang ya malit ga law.

RUHTA 2:11

Bai Bua gaw, “Na a madu wa si ai hpang, na nmoi hpe nang galaw jaw ndai mung; nang na nnu nwa dai daw ga kau da nna, shawng de n chye ai amyu hpang de sa lu ndai mung, ngai hpe azin ayang tsun dan masai: na marai a akyu Yehowa nang hpe htang ya u ga law; shi a singkaw shingnip shingwung na nga, nang sit sa ai Israela Karai Kasang Yehowa gaw, chyeju hkum sumhpa, nang hpe jaw u ga law,” ngu nna shi hpe htan wu ai.

RUHTA 2:20

Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

RUHTA 2:4

Shaloi Bua gaw Betlehem mare na sa nna, mam dan ai ni hpe, “Yehowa nanhte hte rau nga nga u ga law,” ngu wu ai. Shanhte mung, “Yehowa nang hpe shaman ya u ga law,” nga nna htan ma ai.

RUHTA 3:9

Shaloi shi gaw, “Nang kadai rai ta?” ngu wu yang, “Ngai na a mayam jan Ruhta rai nga nngai; nang gaw ngai e hta ang ai nta chyen rai ndai majaw, na a mayam jan hpe, na pahpun hte jahpum la ni,” ngu wu ai.

1 SAMUELA 15:13

Dai rai nna Samuela Shawlu nga ai de hkan nang sa wa ai: Shawlu mung, “Yehowa nang hpe shaman ya u ga; Yehowa hkang dat ai ga ngai shatup se ai, “ngu wu ai.