RUHTA 2:8 - Jinghpaw Hanson Version Bible

⁸ Shaloi Bua mung Ruhta hpe, “Ngai sha e, madat u; Yi gale de hkum sa gut; nang na n htawt ai sha, nye a shangun ma numsha ni hte kanawn nga u.

Jinghpaw Common Language Bible 2009

⁸ Dai hpang, Bua gaw Ruhta hpe, “Ngai nang hpe hpaji loi mi jaw de ga; ndai yi hta lai nna kaga shara hkan hkum hkan gut sa; ndai yi hta amu galaw ai numsha ni hte rau galaw u;

RUHTA 2:8 ပူးပေါင်းရင်းမြစ်များ

2 HKAWHKAM 5:13

Shaloi shi a mayam ni gaw sit sa nna, “Wa e, myihtoi wa gaw magam kaba galaw shangun yang, galaw na n rai ni? Hka shin nna san pra wa u, nga nna nang hpe tsun yang, grau galaw mai ai, n rai ni?” ngu mu ai.

JAW JAU 19:9

Tinang a yi hkauna hta ngai ai nai mam shu la yang, njut nnaw hkan na atsai awai dan la lu na n rai; hkauling hta na ngam ai nlim mung gut la lu na n rai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

MAHTE 9:22

Yesu mahtang kayin nna shi hpe mu wu yang, “Shayi sha e, ngwipyaw n ga; na a kamsham ai gaw nang hpe shamai ya nit dai,” ngu wu ai. Dai ahkying kaw nna, dai numsha mai mat nga ai.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

RUHTA 2:7

shi mung, ‘Ngai mam dan ai ni a hpang e, mam hkauling hta na ngam ai nlim hkan gut la n ga yaw,’ nga nna shang gut nga ai; dai hpawt kaw nna, ya wa e, hkring mi sha nta e sa ai du hkra, gut nu ai,” ngu nna htan wu ai.

RUHTA 2:9

Shanhte dan wa ai yi ngam yu nna, shanhte a hpang hkan u: lasha ma ni nang hpe n shatsang na lam, ngai hkang da se ai, n rai ni? nang hpang kara yang, dibu hta na lasha ma ni ja ai ntsin lu u,” ngu nna shi hpe tsun wu ai.

1 SAMUELA 3:16

Shaloi Eli gaw, “Ngai sha, Samuela e,” ngu nna Samuela hpe shaga wu yang, shi gaw, “Nga nga nngai,” ngu nna htan wu ai.

1 SAMUELA 3:6

Bai Yehowa, “Samuela e,” ngu nna shaga wu ai. Samuela mung rawt nna Eli hpang de wa nhtawm, “Nang shaga ai majaw wa ring ngai,” ngu wu yang, Eli gaw, “Ngai sha e, ngai n shaga, bai wa yup nga su,” ngu dat wu ai.