RUHTA 2:4 - Jinghpaw Hanson Version Bible

⁴ Shaloi Bua gaw Betlehem mare na sa nna, mam dan ai ni hpe, “Yehowa nanhte hte rau nga nga u ga law,” ngu wu ai. Shanhte mung, “Yehowa nang hpe shaman ya u ga law,” nga nna htan ma ai.

Jinghpaw Common Language Bible 2009

⁴ Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.

RUHTA 2:4 ပူးပေါင်းရင်းမြစ်များ

NINGPAWT NINGHPANG 18:19

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.

NINGPAWT NINGHPANG 28:3

Chyahtum chyalai n-gun rawng ai Karai Kasang gaw nang hpe shaman ya nna nang hpe shalaw jahtam na hte nang hpe mayat maya shangun nhtawm amyu kaba shatai u ga:

1 HKAWHKAM LABAU 2:51

Betlehem a kawa salma; Bet-gadera a kawa Harep hte rai ma ai.

SHAKAWN KUNGDAWN 118:26

Yehowa a amying hte du sa ai wa gaw, a nga u ga; Yehowa a nta hta e, anhte nang hpe, sha-a nga ga ai.

SHAKAWN KUNGDAWN 134:3

Lamu hte aga hpe hpan tawn da ai Yehowa gaw, Ziun kaw nna nang hpe shaman ya u ga.

YEREMIA 31:23

Israela Karai Kasang, Zaw nawng zaw wa up ai Yehowa ning nga ai: Bawng dung hkrum ai ni hpe ngai bai woi wa ai shaloi jang, Yuda mung hte de a mare ni hta nga ai ni gaw, Dinghpring ai shara e, Chyoi pra ai bum e, Yehowa nang hpe shaman ya u ga, nga nna bai tsun lu na mara ai.

BU HKAWM 6:24

“Yehowa nang hpe shaman ya nna, bau sin nga u ga;

LUKA 1:28

Dai lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai law,” ngu wu ai.

2 HTESALONI 3:16

Ya, ngwipyaw ai a npawt, dai Madu nan, nanhte hpe tutnawng e lam shagu hta ngwipyaw ai, a jaw nga u ga. Dai Madu gaw nanhte nlang hte rau anga nga u ga law.

1 TIMOHTI 6:2

Kamsham ai madu lu ai mayam ni gaw, maren hpunau rai nga ai, nga nna, shanhte hpe n gawn n sawn hkum di mu; dai ngamu ngamai hkam la ai ni gaw, kamsham ai ni hte tsawra ging ai ni rai nga ma ai majaw, grau nna shanhte a bungli gun hpai nga mu ga. Ndai lam hte gaw sharin shaga nga nna, shadut jahkat nga u.

2 TIMOHTI 4:22

Dai Madu gaw na a Wenyi hte rau anga nga u ga. Chyeju gaw nanhte hte rau anga nga u ga law.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

TARA AGYI 6:12

Shaloi Yehowa a lamu kasa gaw, shi kaw dan pru nna, “N-gun ja ai share wa e, Yehowa nang hte rau nga nga ai,” ngu wu ai.

TARA AGYI 6:16

Bai Yehowa gaw, “Gaja wa teng teng ngai nang hte rau nga nga na rai nna, marai langai hpe sha zawn, Midian masha ni hpe, nang sat kau lu na rin dai,” ngu wu ai.

RUHTA 2:3

Ruhta mung sa nna, mam dan ai ni a hpang e nlim hkan gut wu yang, Elimelek amyu dap hpu na Bua a yi hta ndum shami sa ang wu ai.

RUHTA 2:5

Bai Bua gaw, “Ndai numsha ma gaw, kadai kaw na rai ta?” ngu nna mam dan ai ni a agyi wa hpe san wu yang,

RUHTA 4:11

Dai chyinghka lam e dung lawm ai shawa masha ni hte agyi salang ni nlang hte mung, “Anhte sakse rai saga ai: na nta e pru ai num ndai gaw, Israela amyu hpe shaprat ai num Rahkela yan Lea zawn taw wa hkra, Yehowa hpajang ya nit ga law, Nang rai timung, ndai Ehprahta e n-gun nsam ja wa nna, Betlehem mare e arawng dan hkung nit ga law

1 SAMUELA 17:37

Bai Dawi gaw, “Hkanghkyi hte tsap a lata na ngai hpe hkye la ai Yehowa gaw, dai Hpilisti wa a lata na mung hkye la na ra ai,” ngu wu ai. Shawlu mung, “Sa sa, Yehowa nang hte rau nga na ra ai,” ngu nna Dawi hpe tsun wu ai.