RUHTA 2:20 - Jinghpaw Hanson Version Bible

²⁰ Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

Jinghpaw Common Language Bible 2009

²⁰ Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.

RUHTA 2:20 ပူးပေါင်းရင်းမြစ်များ

2 SAMUELA 2:5

Dai rai nna Dawi gaw Gilead mung Yabesha masha ni hpang de kasa shangun nna, “Nanhte a madu hta chyeju ndai nanhte galaw nna, shi a moi mang hpe makoi mayang myit dai majaw, Yehowa a chyeju nanhte lu la myit ga.

2 SAMUELA 9:1

Bai Dawi gaw, “Yonahtan a matu mara ngai chyeju htang lu hkra, Shawlu a lakung lama matu hta na langai ngai naw n ngam a ni?” ngu nna san wu ai.

YOBA 19:25

Ngai hpe hkye hkrang la ai wa hkrung nga ai gaw, ngai nan chye nngai, Shi gaw hpang jahtum e ga nhpu ntsa e dawng pru na ra ai.

GA SHAGAWP 17:17

Jinghku wa gaw tutnawng tsawra nga nna, Ruyak hkrum ai nhtoi a matu, kahpu kanau tai nga ai.

JAW JAU 25:25

Na nhpu nnau wa matsan mayan hkrum nna, shi lu ai aga kau chyen dut kau ai rai yang, shi hte ni ai kahpu kanau wa gaw dut kau sai rai hpe hkrang shaw karum na rai wu ai.

HPILIPI 4:10

Ya e mung nanhte nye a lam bai rawt tsang wa nga myit dai majaw, ngai dai Madu hta nachying kabu nga nngai; shawng e mung nanhte myit tsang myit dai rai timung, nanhte rai lu na n tai myit dai.

RUHTA 2:21

Moba num Ruhta gaw, “dai wa mung, mam dan tawm ai du hkra, nye a ma ni hte kanawn wa u, nga ai,” ngu nna kamoi hpe tsun wu ai.

RUHTA 3:12

Ngai mung, nang hpe hta ang ai nta chyen re ai gaw, teng nngai; rai timung, ngai hta grau ni ai hpunau wa langai mi naw nga ai.

RUHTA 4:14

Dai re ai majaw numsha manang ni gaw Naomi hpe, “Dai ni, na nta matu n jahtum ya ai Yehowa gaw a nga u ga law; ya shangai ai wa mung, Israela amyu hta arawng dan hkung nga u ga law.

RUHTA 4:4

ya nang e dung nga ai ni hte, nye mare salang ni a man e, nang, mari u,” ngu nna bawng mayu nga nngai: nang shaw mayu yang shaw u; shing n rai, ngai hpe tsun e; nang hta kaga shaw ang ai masha shaje n nga ai; nang hta na lai jang gaw ngai hta ang sai,” ngu wu ai. Dai wa mung, “Ngai shaw na,” ngu wu ai.

RUHTA 4:6

Shaloi dai hpunau wa gaw, “Dai rai yang gaw ngai n mari lu na nngai; mari yang mung, nye a sali ga jahten na tai ai: dai majaw ngai n shaw lu ni ai; nang shaw la nu,” ngu nna tsun wu ai.