RUHTA 2:13 - Jinghpaw Hanson Version Bible

¹³ Ruhta mung, “Madu e, na a man e ngai myi man pa ni ga law; ngai wa, na a shangun ma numsha ni hte pyi n bung nngai wa; nang madu ga ngwi ga pyaw hte ngai hpe shalan nna, na a mayam jan hpe kabu shangun ni ai,” ngu nna tsun wu ai.

Jinghpaw Common Language Bible 2009

¹³ Ruhta gaw, “Madu e, nang gaw ngai hpe grai wa yu matsan dum chye ai wa rai nga ndai. Ngai gaw na a shangun ma langai mi a madang daram n rai nga tim pyi gaw ngai hpe ga ngwi ga pyaw shaga nna kabu gara hkam sha shangun nga ndai,” ngu nna bai htan wu ai.

RUHTA 2:13 ပူးပေါင်းရင်းမြစ်များ

NINGPAWT NINGHPANG 32:6

dumsu hte lawze mung, sagu bainam hpung mung, lasha yam numsha yam mung, ngai law law lu nngai: nye a madu a man e ngai myi man pa lu u ga, ngu nna shana dat nngai, nga ai ngu nna nye a madu Esaw hpe tsun ya mi, ngu dat wu ai.

NINGPAWT NINGHPANG 33:10

Yaku gaw, N rai, shing hkum nga et; ngai na a man e myi man pa ni ai rai yang gaw, ngai jaw ai kumhpa hkap la u: Karai Kasang a myi man mu lu ai zawn, na a myi man ngai mu ya de ai rai nna, nang mung ngai hpe n-gaw ai myit rawng nga ndai:

NINGPAWT NINGHPANG 33:15

Bai Esaw gaw, Dai rai taw gaw, ngai kaw hkan nang ai masha nkau mi nang kaw tawn da mawe ga, ngu wu ai. Yaku gaw, Hpa mi ra nga a ta? nang madu a man e myi man shapa u ga, ngu wu ai.

NINGPAWT NINGHPANG 33:8

Bai Esaw gaw, Ngai hkrum dat ai yamnga hpung ni nlang hte gaw kaning re ai rai ta? ngu nna san wu yang, Yaku gaw, Nang madu a man e ngai myi man pa lu na matu, rai nga ai, ngu nna htan wu ai.

NINGPAWT NINGHPANG 34:3

Dai wa a myit gaw Yaku a shayi sha Dina hta a noi nga ai rai nna, dai mahkawn hpe tsawra ai hte nja nhpra ga a tsun nga ai.

NINGPAWT NINGHPANG 43:14

nanhte a hpunau wa langai mi hte, Ben-yamin hpe dai wa nanhte hpe dat ya myit ga, Karai Kasang gaw dai wa a man e nanhte hpe myi man shapa ya myit ga law: ngai wa chyawm gaw kasha htum mat ai rai yang mung htum mat dam u ga, ngu nna shanhte hpe tsun mu ai.

2 SAMUELA 16:4

Dai majaw Hkawhkam gaw, “Mehpiboshet e seng ai arai yawng mayawng na a rai nu ga,” ngu nna Ziba hpe tsun wu ai. Ziba mung, “Nye a madu hkawhkam wa e, na a mayam na a man e myi man pa ni ga, ngu nna nawku hpyi nga nngai,” ngu wu ai.

GA SHAGAWP 15:33

Yehowa hpe hkrit kamyin ai myit gaw, hpaji sharin ai lam rai nga ai; Arawng sadang a shawng e myit shagrit ai rai nga ai.

HOSEA 2:16

“Shing rai, yu u, ngai shi hpe shalen nna, nam mali hku woi wa let, ngwipyaw ga shi hpe tsun na nngai.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

TARA AGYI 19:3

Shaloi madu wa gaw shi hpe sa nem la na nga, shangun ma langai mi hte lawze lahkawng woi nna, rawt sa wa ai: shi du jang lashi num dai gaw kawa nta de shi hpe woi shawn wa ai rai nna, kawa gaw kahkri wa hpe mu jang, kabu gara ai hte hkap hkalum la wu ai.

RUHTA 2:14

Bai, shat sha ai aten du jang, Bua gaw dai numsha hpe, “Wa rit, shat wa sha ru; ndai ntsin hkri hta na muk hkyep galu u,” ngu wu ai. Shaloi mam dan ai ni hte rau shi wa dung nna, Bua mung shi hpe mam nmyi jaw wu ai; shi mung sha hkru nna, ngam hkra rai nga lu ai.

1 SAMUELA 1:18

Hana mung, “Na a mayam jan na a man e myi man pa wa ni ga law,” ngu nna tsun ngut jang, myi man lai ai hte wa nna, shat sha wu ai.

1 SAMUELA 25:41

Shing rai Abigela rawt nna, ga de dingnyawm dagup let, “Yu u, ngai gaw, nye madu a shangun ma ni a lagaw kashin ai mayam rai dam u ga,” nga nna tsun nhtawm,