RUHTA 2:10 - Jinghpaw Hanson Version Bible

¹⁰ Shaloi Ruhta gaw ga de dingnyawm dagup nna, “Ngai maigan amyu numsha she re ai mi, nang madu ngai hpe shade wa gawn ai gaw, ngai hta myit du shara hpa wa nga a ta?” ngu nna shi hpe tsun wu ai.

Jinghpaw Common Language Bible 2009

¹⁰ Ruhta gaw shi a myi man hpe ga de gum dagup da nna Bua hpe, “Nang ngai hpe hpa majaw dai daram gawn yu nga n ta? Nang gaw maigan masha wa hpe hpa majaw grai matsan yu dum nga n ni?,” ngu nna tsun wu ai.

RUHTA 2:10 ပူးပေါင်းရင်းမြစ်များ

NINGPAWT NINGHPANG 18:2

Shi mada yu nga yang, yu u, shi a makau e masha marai masum tsap nga ma ai: dai ni hpe mu jang, sa tau la na nga sum chyinghka nna gat sa nhtawm, ga de dingnyawm dagup let tsun wu ai gaw,

2 SAMUELA 19:28

Nye amyu matu ni nlang nang madu hkawhkam a man e chyasi hkrai rai ga timung, na a sha ku e lu sha ai ni hte rau, na a mayam hpe shara yen ya nit dai. Dai rai nna, hkawhkam wa kaw ngai aput shara hpa naw nga sata? ngu nna htan wu ai.

2 SAMUELA 7:18

Shaloi Dawi hkawhkam gaw nhku kata de shang nna, Yehowa a man e dung let, “Yehowa Madu e, nang ngai hpe ndai hte wa shagrau da ai gaw, ngai hpa hkaw ai wa rai ta? nye a nta dap mung hpa rai nga a ta?

2 SAMUELA 9:8

Shaloi Mehpiboshet gaw, “Ngai zawn rai dam ai gwi chyasi hpe, nang madu mada mu na gaw, ngai na a mayam hpa hkaw ai wa rai nga a ta?” ngu nna bai nawku let htan wu ai.

JAW JAU 19:34

Nang hte rau anga nga ai tsasam manam wa hpe na a baw sang hku sawn nna, tinang hkum hte maren tsawra lu na rai ndai: kaning rai nme law, nanhte mung Egutu mung e manam tai yu manit dai: ngai gaw nanhte a Karai Kasang Yehowa rai nga nngai.

MAHTE 25:35

kaning rai nme law, ngai kawsi jang nanhte ngai hpe sha na jaw myit dai: ngai hpang gara jang, nanhte ngai hpe lu na jaw myit dai: ngai manam tai hkawm yang, nanhte ngai hpe daw myit dai:

LUKA 1:43

Nye Madu a kanu ngai kaw sa du ai gaw, hpa chyeju jaw e rai ra ai i?

LUKA 1:48

Shi a mayam jan a myit gyip ai hpe shi mada yu nu ai; Yu u, ya kaw nna shu mashi shu masha prat dingsa, ngai hpe a lu ai, ngu na ma ni ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

RUHTA 2:11

Bai Bua gaw, “Na a madu wa si ai hpang, na nmoi hpe nang galaw jaw ndai mung; nang na nnu nwa dai daw ga kau da nna, shawng de n chye ai amyu hpang de sa lu ndai mung, ngai hpe azin ayang tsun dan masai: na marai a akyu Yehowa nang hpe htang ya u ga law; shi a singkaw shingnip shingwung na nga, nang sit sa ai Israela Karai Kasang Yehowa gaw, chyeju hkum sumhpa, nang hpe jaw u ga law,” ngu nna shi hpe htan wu ai.

RUHTA 2:13

Ruhta mung, “Madu e, na a man e ngai myi man pa ni ga law; ngai wa, na a shangun ma numsha ni hte pyi n bung nngai wa; nang madu ga ngwi ga pyaw hte ngai hpe shalan nna, na a mayam jan hpe kabu shangun ni ai,” ngu nna tsun wu ai.

RUHTA 2:19

Shaloi kamoi gaw, “Dai ni kanang sa gut n ta? Kanang sa galaw n ta? nang hpe hkap shachyen la ai wa gaw, a nga u ga law,” ngu wu ai. Ruhta mung, “Dai ni ngai sa gut ai yi madu a amying gaw Bua rai lu ai,” nga nna shi a lam kamoi hpe tsun dan wu ai,

RUHTA 2:2

Shaloi Moba num Ruhta gaw, “Ngai yi de sa nna, ai nawn ai ni kaw, mam nlim hkan gut ni ga yaw,” ngu nna Naomi kaw hpyi wu ai. Naomi mung, “Sa su, ngai nam gaw,” ngu dat wu ai.

RUHTA 2:9

Shanhte dan wa ai yi ngam yu nna, shanhte a hpang hkan u: lasha ma ni nang hpe n shatsang na lam, ngai hkang da se ai, n rai ni? nang hpang kara yang, dibu hta na lasha ma ni ja ai ntsin lu u,” ngu nna shi hpe tsun wu ai.

1 SAMUELA 25:23

Ya Abigela Dawi hpe mu jang, lawze dinghkung na alawan yu wa nhtawm, Dawi a man e ga de dingnyawm dagup nga ai.