RUHTA 2:1 - Jinghpaw Hanson Version Bible

¹ Ya, Naomi a madu wa, Elimelek a amyu dap hta na, grai lu su ai hpunau wa langai mi nga ai; shi a amying gaw Bua rai nga ai.

Jinghpaw Common Language Bible 2009

¹ Naomi gaw Bua mying ai jinghku langai lu ai, shi gaw Naomi a madu wa Elimelek a amyu dap kaw na, sut su ai hte daru magam hpring nga ai wa rai nga ai.

RUHTA 2:1 ပူးပေါင်းရင်းမြစ်များ

2 HKAWHKAM 15:20

Asuri hkawhkam hpe sak jaw na matu, Menahem gaw Israela mung ting na sut su ai ni kaw gumhpraw lahkawn wu ai rai nna, langai hte langai kaw na gumhpraw shekela manga shi shi hpyi la wu ai. Shing rai Asuri hkawhkam gaw shi a mung de bai wa ai; Israela mungdan hta nga nan nga ai, n rai.

YOBA 1:3

Shi lu ai sutgan gaw, sagu bainam hkying sanit, gawla-uk hkying masum, dumsu gap manga tsa, lawze kanu manga tsa hte, ali ama grai law nga ai, rai nna, dai wa gaw sinpraw masha ni mahkra hta grau kaba ai wa rai nga ai.

YOBA 31:25

ngai sut su nna, nye lata law law mahkawng da lu ai majaw, ngai kabu gara nga nna,

MAHTE 1:5

Salmun, Rahab hta, Bua hpe shaprat wu ai; Bua, Ruhta hta, Obed hpe shaprat wu ai; Obed gaw Yese hpe shaprat wu ai;

LUKA 3:32

Dawi gaw Yese a kasha; Yese gaw Obed a kasha; Obed gaw Bua a kasha; Bua gaw Sala a kasha; Sala gaw Nasun a kasha;

RUHTA 1:2

Dai wa a amying gaw Elimelek, madu jan a amying gaw Naomi, kasha yan a amying gaw Malon hte Hkilion rai ma ai: shanhte gaw Yuda mung Betlehem na Ehprahta masha rai ma ai; shaloi shanhte Moba mung du nna, dai de nga nga ma ai.

RUHTA 2:2

Shaloi Moba num Ruhta gaw, “Ngai yi de sa nna, ai nawn ai ni kaw, mam nlim hkan gut ni ga yaw,” ngu nna Naomi kaw hpyi wu ai. Naomi mung, “Sa su, ngai nam gaw,” ngu dat wu ai.

RUHTA 3:12

Ngai mung, nang hpe hta ang ai nta chyen re ai gaw, teng nngai; rai timung, ngai hta grau ni ai hpunau wa langai mi naw nga ai.

RUHTA 3:2

Ya nang kanawn nga ai manang num ni a madu Bua gaw, ndai nta ni a nta chyen rai nga ai n rai ni? Yu u, dai na shi chyarang e muk-yaw mam yit nna nga nga na la ai.

RUHTA 4:21

Salmon a kasha Bua; Bua kasha Obed;