RUHTA 1:6 - Jinghpaw Hanson Version Bible

⁶ Dai rai nna, dai numsha gaw Moba mung na bai wa na nga, kanam yan hte rau rawt wa ma ai: kaning rai nme law, Yehowa shi a amyu hpe kawan katsan yu wu ai rai nna, lusha bai jaw sai da, nga ai shi, Moba mung e na nu ai.

Jinghpaw Common Language Bible 2009

⁶ Aten ladaw mi na ai hpang, dai Madu gaw shi a amyu masha ni hpe nsi naisi kaja kat shangun ai hte shaman ya ai shiga hpe Naomi na wu ai shaloi, shi a kanam yan hte rau Moba mung kaw nna rawt pru mat wa na shajin da wu ai.

RUHTA 1:6 ပူးပေါင်းရင်းမြစ်များ

NINGPAWT NINGHPANG 21:1

Ya, Yehowa a mungga nga ai hte maren Sara hpe shi kawan katsan yu sa ai rai nna, Yehowa tawn da ai ga ndat hte maren Sara hta shadik wu ai.

NINGPAWT NINGHPANG 28:20

Dai hta e Yaku gaw, “Ngai nye wa nta de ngwipyaw ai hte bai du wa lu hkra, Yehowa nye a Karai Kasang tai nga nna,

NINGPAWT NINGHPANG 48:15

Shing rai Yawsep hpe shaman ya wu ai gaw, Ngai ji Abraham hte ngai wa Isak hkan hkawm nga ai Karai Kasang, shawng nnan nna dai ni du hkra ngai hpe bau ai Karai Kasang ngu ai,

NINGPAWT NINGHPANG 50:25

Bai shi gaw, Gaja wa nanhte hpe Karai Kasang kawan katsan yu sa na ra ai shaloi, nye a nrut nra hpe ndai ga na nanhte la lung wa ya lu na rai myit dai, ngu nna Israela a kashu kasha ni hpe dagam shangun wu ai.

SHAKAWN KUNGDAWN 102:14

Na a mayam ni shi a nlung ni hpe sharawng nga nna, Shi a nhpu hpe pyi, ra la nga ma ai.

SHAKAWN KUNGDAWN 111:5

Shi gaw shi hpe hkrit kamyin ai ni hpe lusha jaw mu ai; Shi a ga shaka hpe shi galoi mung adum nga ai.

SHAKAWN KUNGDAWN 132:15

Shi a lusha hpe ngai teng teng shaman ya nna, Shi a matsan mayan ni hpe shat hte jahkru na mawe ai.

SHAKAWN KUNGDAWN 145:15

Yawng mayawng a myi nang hpe a mada nga nna, Aten du jang, nang shanhte hpe shat jaw mu ai.

SHAKAWN KUNGDAWN 146:7

Nni nkri hkrum ai ni hpe shi tara dara ya mu ai, Hku hku hkrum ai ni hpe lusha shahpa jaw mu ai. Yehowa gaw bawng dung ai ni hpe raw dat mu ai;

SHAKAWN KUNGDAWN 147:14

Na a lamu ga jarit hpe shi shangwi ya nna, Sau ai mam hte nang hpe shakat nit dai.

PRU MAT 3:16

Sa wa su, Israela a salang ni hpe jahpawng nhtawm shanhte hpe ning ngu mu: Nanhte a nji nwa ni a Karai Kasang, Abraham, Isak, Yaku kaw dan pru nna, Ngai nanhte hpe gaja wa kawan yu nna, Egutu mung e nanhte hpe di ai lam ngai mu se ai;

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

GA SHAGAWP 30:8

Kaman lila hte masu magaw ai, ngai hte tsan nga u ga; Matsan mayan mung, sutgan mung, ngai hpe n jaw u ga: Ngai hkru kat nna, Yehowa kadai rai nga a ta? nga nna n tsun u ga mung,

ESAIA 55:10

Kaning rai nme law, marang hte ahkyen gaw, lamu de na htu hkrat nna, dai de bai n wa ai sha, nli gat ai wa hpe nli, makan galaw ai wa hpe shahpa jaw lu hkra, aga hpe madit let, matsun hte maku shaprut nna, asi si shangun ai zawn,

YEREMIA 29:10

Bai Yehowa ning nga ai: Babelon mare hta sanit shi ning ladu hkrum jang, ngai nanhte hpe kawan katsan yu na nngai; ngai tawn da ai ga sadi hpe ngai nanhte a matu shadik nna, ndai ga de nanhte hpe bai wa shangun na nngai.

YOELA 2:19

Dai hta kaga Yehowa gaw shi a amyu masha ni hpe htan nna, Yu mu, ngai gaw nanhte hpang de nai mam, tsabyi jahku hte sau shangun dat nna, nanhte hkru kat na marin dai: maigan amyu ni hta, ngai nanhte hpe, htawm hpang de aroi arip jahkrum na, n rai:

ZEHPANI 2:7

Dai hkin-gau gaw, naw ngam nga ai Yuda nta masha ni a matu tai na ra ai: shanhte gaw dai yang e tinang a sagu hpung ni hpe shayaw nna, shana du jang dai ni gaw, Ashkelon mare na nta ni hta hpum nga na mara ai: kaning rai nme law shanhte a Karai Kasang Yehowa gaw, shanhte hpe kawan katsan yu nna, bawng dung ai ni hpe woi nhtang wa na ra ai.

MAHTE 6:11

Anhte hta ra ai lusha, dai ni anhte hpe jaw mi;

LUKA 1:68

“Dai Madu, Israela Karai Kasang gaw, a nga u ga law; Shi a amyu hpe kawan yu sa nna, hkrang la ai lam waw ya nu ai.

LUKA 19:44

nang hpe mung, na a kashu kasha ni hpe mung, ga hte azat kayau kau ai nhtoi gaw, nang kaw pru na ra ai rai nna, nang hta nlung langai mi a ntsa e nlung langai mi pyi n ngam mara lu ai rai na ra ai,” ngu wu ai.

1 TIMOHTI 6:8

dai rai nna, lusha hte hpun palawng lu nga ga yang gaw, anhte dai hte myit dik nga ga.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

RUHTA 1:5

Dai shadang sha Malon yan Hkilion mung si mat ma ai rai nna, Naomi gaw kasha mung, madu wa mung n lu, shi khrai rai mat ai.

RUHTA 1:7

Shaloi shi gaw kanam yan hte rau shi shingbyi nga ai shara na pru nna, Yuda mung lam hku wa ma ai.

1 SAMUELA 2:21

Yehowa mung Hana hpe mada mara yu wu ai rai nna, shi na-um nasin rai wa ai; shing rai, shadang sha masum, shayi sha lahkawng, bai shaprat wu ai. Ma Samuela mung Yehowa man e kaba wa ai.