RUHTA 1:5 - Jinghpaw Hanson Version Bible

⁵ Dai shadang sha Malon yan Hkilion mung si mat ma ai rai nna, Naomi gaw kasha mung, madu wa mung n lu, shi khrai rai mat ai.

Jinghpaw Common Language Bible 2009

⁵ Malon hte Hkilion yan mung si mat ma ai, Naomi gaw madu wa, kasha ni n nga mat ai hte shi chyu sha ngam nga ai.

RUHTA 1:5 ပူးပေါင်းရင်းမြစ်များ

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

LUKA 7:12

Dai mare chyinghka de du magang yang, yu mu, si mat sai masha langai mi a moi mang hpe hpai kau sa wa nga ma ai; si ai wa gaw kanu a kasha shingtai rai nga ai; kanu mung gaida rai nga ai; mare masha law law mung dai num hte rau hkan sa nang ma ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

RUHTA 1:2

Dai wa a amying gaw Elimelek, madu jan a amying gaw Naomi, kasha yan a amying gaw Malon hte Hkilion rai ma ai: shanhte gaw Yuda mung Betlehem na Ehprahta masha rai ma ai; shaloi shanhte Moba mung du nna, dai de nga nga ma ai.

RUHTA 1:4

Dai shadang sha yan mung, Moba num la ma ai; langai mi gaw Orpa, langai mi gaw Ruhta mying ma ai; shing rai, shanhte gaw shi ning daram dai yang e nga nga ma ai.

RUHTA 1:6

Dai rai nna, dai numsha gaw Moba mung na bai wa na nga, kanam yan hte rau rawt wa ma ai: kaning rai nme law, Yehowa shi a amyu hpe kawan katsan yu wu ai rai nna, lusha bai jaw sai da, nga ai shi, Moba mung e na nu ai.