RUHTA 1:17 - Jinghpaw Hanson Version Bible

¹⁷ nang si ai shara e ngai si nna, dai yang e makoi mayang hkam na nngai; si nna sha n rai yang gaw, kaga lam majaw nang hta ngai ahka sayang gaw, dai hta grau Yehowa ngai hpe deng n ga,” ngu nna bai tsun wu ai.

Jinghpaw Common Language Bible 2009

¹⁷ Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.

RUHTA 1:17 ပူးပေါင်းရင်းမြစ်များ

2 SAMUELA 15:21

Itai chyawm gaw, “Yehowa mung, nang madu hkawhkam wa mung hkrung nga ai hte maren, nang madu hkawhkam wa si hkrung hkrum ai rai tim, lawt lai lu ai rai tim, nang du ai kaw na a mayam wa mung gaja wa du na ring ngai,” ngu nna, tsun wu ai.

2 SAMUELA 19:13

Amasa hpe mung, Nang nye nra nye shan rai ndai n rai ni? Nang hpe nye a man e Yoab malai tut tut na jaubu n shatai de yang gaw, dai hta grau nna Karai Kasang ngai hpe deng u ga, nga ai, ngu nna mung, tsun mu, ngu nna htet dat wu ai.

2 SAMUELA 3:35

Jan garai n du yang, Dawi hpe, Shat sha ga nga, nga nna masha nlang sit sa shagwi mu timung, Dawi gaw, “Jan garai n shang yang shat n re ai shahpa lama mi sha a chyim we yang gaw, dai hta grau nna Karai Kasang ngai hpe deng ru ga,” ngu nna dagam wu ai.

2 SAMUELA 3:9

Yehowa gaw, Ndai mungdan hpe Shawlu a amyu na shaw la nhtawm, Dan mare kaw nna Berasheba mare du hkra ngu ai, Israela hta Yuda mung ting ntsa e, Dawi a tingnyang tawn da na, nga nna dagam ai hte maren,

1 HKAWHKAM 13:31

Ya dai wa hpe makoi mayang ngut ai hpang, dai myihtoi dingla gaw shi a kasha ni hpe, “Ngai si wa yang, Karai Kasang a masha wa hpe lup makoi ai lup hta e ngai hpe mung lup da mi; nye a nrut nra ni gaw shi a nrut nra makau e bang tawn da mu.

1 HKAWHKAM 19:2

Shing rai Yezebela gaw Elia hpang de kasa shangun dat nna, “Hpawt de ndai aten e, na a asak hpe shanthe hta na langi mi a asak hte maren ngai n di yang gaw, Hpara ni ngai hpe dai hta grau na di mi ga law,” nga ai.

1 HKAWHKAM 2:23

Bai hkawhkam Shawlumon gaw, “Adoniya asak sum na matu, ndai ga n tsun ai teng yang gaw, Karai Kasang dai hta grau nna ngai hpe deng u ga:

1 HKAWHKAM 20:10

Bai Benhada gaw shangun nna, “Ngai hpe hkan nang ai masha ni mahkra a matu, Samari mare na ga nhpu latup tup law nga yang, Hpara ni ngai hpe grau nna di mi ga,” ngu nna shi hpe tsun wu ai.

2 HKAWHKAM 6:31

Shaloi hkawhkam wa gaw, “Shahpat a kasha Elisha a baw hpe ngai dai ni n htau kau lu yang, Karai Kasang ngai hpe grau nna ari jaw u ga,” nga ai.

SHAKAWN KUNGDAWN 45:10

Shayi sha e, madat u, mada yu nna na la u, Na a amyu hte nwa a nta hpe, malap kau u.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

RUHTA 1:16

Ruhta chyawm gaw “Nang hpe kau da nna, nang kaw n hkan lu na hku, ngai e hkum shagwi et; nang du shara shagu de ngai du na nngai; nang nga ai shara shagu e ngai nga na nngai: na a amyu gaw nye a amyu, na a Karai Kasang mung nye a Karai Kasang rai u ga;

RUHTA 4:15

Nang hpe tsawra nna, shadang sha sanit lu ai hta, grau akyu nga ai, na nnam gaw, dai ma hpe shangai ya nit dai majaw, shi gaw na aprat nhtang ya ai wa, nang hpe aprat ugut gu hkra bau lahku ai wa, tai na ra ai,” ngu nna shaman mu ai.

1 SAMUELA 14:44

Shawlu chyawm gaw, “Yonahtan e, nang teng teng n si lu ai nga yang gaw, Karai Kasang dai hta grau ngai hpe di nu ga,” ngu wu ai.

1 SAMUELA 20:13

Dai n rai, nye wa nang hpe n hkru ai hku maw ai lam, ngai nang hpe n shana, ngwipyaw ai hte nang hkawm wa lu hkra, nang hpe n dat dat de yang gaw, Yehowa Yonahtan hpe dai hta grau nna dawp u ga: Yehowa nye wa hta nga nga yu sai hte maren, nang hta mung nga nga u ga law.

1 SAMUELA 25:22

Hpawt de nhtoi htoi jang, shi hte seng ai nlang hta na, lasha ma langai mi she ngam da ai nga sayang gaw, dai hta grau nna, Dawi a hpyen ni hpe Karai Kasang di mu ga,” ngu nan shaka kau mu ai.

1 SAMUELA 3:17

Bai Eli gaw, “Nang hpe hpa lam sun a ta? ngai e hkum ip da et; Karai Kasang nang hpe tsun matsun hta na lama ma ip da n yang gaw, shi tsun ai hta n-ga nang hpe di u ga,” ngu wu ai.