RUHTA 1:1 - Jinghpaw Hanson Version Bible

¹ Ya, tara agyi ni up ai aprat e, kalang wa mi, dai mungdan hta hku hku wa ai. Dai rai nna Yuda mung Betlehem mare na masha langai mi gaw, shi a madu jan hte shadang sha lahkawng woi nna, Moba mung e sa shingbyi na nga, pru wa ma ai.

Jinghpaw Common Language Bible 2009

^1-2 Israela hkawhkam garai n paw pru ai shawng na lai sai aten ni hta, dai mungdan hta hku hku yu nga sai. Dai majaw, Yuda mung Betlehem mare hta nga ai Ehprat amyu lakying na Elimelek mying ai masha wa gaw shi a madu jan Naomi hte shan a kasha yan rai nga ai Malon hte Hkilion ni hte rau Moba mung e ladaw langai sa nga na matu pru sa wa ma ai. Dai yang e, shanhte nga nga ma yang,

RUHTA 1:1 ပူးပေါင်းရင်းမြစ်များ

NINGPAWT NINGHPANG 12:10

Shaloi dai mung e hku hku wa ai rai nna, Abram gaw Egutu mung de sa shingbyi nga na pru sa wa ai: kaning rai nme law, dai mung e hku wa kaba hku nga ai.

NINGPAWT NINGHPANG 26:1

Dai hpang Abraham a aprat e wa ai hku wa hta kaga, dai mung e hku bai hku nga ai. Dai rai nna Isak gaw Hpiliste mung na Hkawhkam Abimelek nga ai shara Gerara de sa wa ai.

NINGPAWT NINGHPANG 43:1

Ya dai mung e hku grai laja nga ai rai nna,

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

1 HKAWHKAM 18:2

Shaloi Elia gaw, Ahab hpe shi hkum madun dan na nga, sa wa ai. Samari mung hta e dai hku wa grai hku nga ai.

1 HKAWHKAM LABAU 2:51

Betlehem a kawa salma; Bet-gadera a kawa Harep hte rai ma ai.

1 HKAWHKAM LABAU 2:54

Salma a kashu kasha ni gaw, Betlehem hte Netohpa, Atrot-bet-yoba hte Zori ngu ai, Manahati amyu chyen mi rai nga ma ai.

SHAKAWN KUNGDAWN 105:16

Shaloi dai mung hta e n-gawn hku wa shabyin dat nna, lusha a npawt yawng hpe jahten kau mu ai.

SHAKAWN KUNGDAWN 107:34

Hka hpaw ai shara hpe ga jahkraw, Sau rawng ai ga hpe krin ai shara, shatai nu ai.

YEREMIA 14:1

Jan gri ai lam lakap nna, Yeremia kaw du ai Yehowa mungga gaw: Yuda mung sharung shayawt nga nna, de a mare chyinghka ni gawng kya nga ma ai; mung masha ni gaw chyang ai hpun palawng bu hpun let ga hta dung nga nna, Yerusalem masha ni hkrap shabam ai nsen lung wa sai.

EZEKELA 14:21

“Dai majaw Madu Yehowa ning nga ai: ‘Yerusalem mare hta na masha hte yamnga hpe shamyit kau na matu, ri nhtu hku wa, matse labye hte ana zinli ngu ai, yak la ai ari mali hpe de a ntsa e ngai shangun dat yang, dai hta grau nna yak wa na, n rai ni?

JAW JAU 26:19

Nanhte a gumrawng kawng ngai daw kau ya na made ai: lamu hpe hpri zawn aga hpe makri zawn ngai shaja kau nna,

AMO LAIKA (AMOS) 4:6

Ngai chyawm gaw, nanhte a mare shagu hta hku wa hte, nanhte a shara shagu hta shahpa taw ai lam shabyin dat timung, nanhte gaw ngai hpang de n wa myit dai, nga nna Yehowa tsun ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

TARA JAHPRANG 28:38

Mam nli law law wa na a yi hkauna de nang la sa timung, dinggam ni sha kau ai majaw kachyi sha shu la lu na ndai.

TARA AGYI 12:8

Shi a hpang e Betlehem masha Ibzan, Israela masha ni hpe tara dara ya nga ai. Dai wa gaw shadang sha sumshi lu wu ai; shayi sha sumshi mung ya sha kau nna, shadang sha ni matu kanam sumshi la tawn wu ai. Shi gaw, Israela masha ni hpe sanit ning tup tara dara ya wu ai.

TARA AGYI 17:7

Ya Yuda mung na Betlehem mare e, Yuda lakung langai mi hta na shabrang langai mi nga ai; dai wa Lewi masha rai nga nna, dai yang e shingbyi nga ai.

TARA AGYI 17:8

Dai ma gaw, Yuda mung Betlehem mare kaw na pru nna, shingbyi shara tam let hkawm wa yang, Ehprim bum ga na Mihka nta de du wu ai.