ROMA 8:3 - Jinghpaw Hanson Version Bible

³ Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

Jinghpaw Common Language Bible 2009

³ Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

ROMA 8:3 ပူးပေါင်းရင်းမြစ်များ

BU HKAWM 21:9

Dai hte maren Mawshe gaw magri hte lapu galaw nna dawnghkawn shadaw hta sharawt tawn wu ai; shing rai lapu kawa hkrum ai kadai mung magri lapu dai hpe mada yu jang asak hkrung na nga ai.

BU HKAWM 28:22

nanhte a matu htingrai htingrat na nga, htingrai hkungga bainam la langai mi mung nawng na rai wu ai.

MARKU 15:27

Shi hte rau damya lahkawng hpe mung, shi a hkra maga de langai mi, pai maga de langai mi, shanhte jen da mu ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 9:24

Dai re ai majaw shanhte gaw dai myi n mu ai wa hpe lang mi bai shaga nna, “Karai Kasang hpe shagrau u; dai wa gaw yubak kap ai wa rai nga ai anhte chye ga ai,” ngu nna shi hpe tsun mu ai.

KASA 13:39

dai hta n-ga, Mawshe a tara hte dingman ai kaw n du lu ai, dai wa hpe kamsham ai ni nlang hte lam shagu hta dingman ai kaw du lu na rai nga ai.

ROMA 3:20

kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 6:6

Si mat ai wa gaw yubak hta na lawt pru nga ai majaw,

ROMA 7:18

Kaning rai nme law, nye a kraw e, rai sa, nye a shinggyim hkum shan myit hta, kaja ai baw n rawng li ai, ngai chye nga nngai: galaw mayu ai myit ngai hta a rawng nga timung, mai kaja ai hku galaw na ngai n mu lu we ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

ROMA 9:3

Kaning rai nme law, nye a amyu baw re ai, nye a hpunau ni a matu mara, ngai hkum dai Hkristu hte hka nna dagam dala hkrum na hpe, hkam mayu hkra rai nga nngai:

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

GALATI 3:21

Dai rai nna jep ai tara gaw Karai Kasang a ga ndat hte nhtan shai nga a ni? Shing n rai law; kaning rai nme law, hkrung ai asak jaw lu ai jep ai tara jaw da sai rai yang gaw, dinghpring ai gaw, gaja wa, jep ai tara hta e rai na ra ai.

HPILIPI 2:7

tinang dai shagawm kau nna, mayam a ahpraw nsam dagraw let, shinggyim masha hte bung hkra tai wa sai:

HEBRE 10:12

shi chyawm gaw yubak mara raw kau ya ai hkungga langai sha hpe, prat dingsa na matu nawng ya ngut jang, Karai Kasang a hkra maga de dung nga sai rai nna,

HEBRE 10:14

Kaning rai nme law, shi gaw nawng ya ai hkungga langai sha hte, shachyoi shapra hkrum ai ni hpe prat dingsa na matu jahkum shatsup ya wu ai.

HEBRE 2:14

Dai re ai majaw, kashu kasha ni asai ashan hkan dagraw ai zawn, shi mung, si lam up ai wa ngu ai Nat wa hpe shabyak kau lu na hte,

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

HEBRE 4:15

Kaning rai nme law, anhte a gawng kya ai lam hpe matsan n chye dum ai hkinjawng agyi wa anhte lu ga ai n rai; lam shagu hta anhte zawn gunglau hkrum yu timung, yubak mara n kap ai hkinjawng agyi wa she lu ga ai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.