ROMA 5:2 - Jinghpaw Hanson Version Bible

² Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

Jinghpaw Common Language Bible 2009

² Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

ROMA 5:2 ပူးပေါင်းရင်းမြစ်များ

SHAKAWN KUNGDAWN 17:15

Ngai chyawm gaw, dinghpring ai hte, na a myi man hpe mu lu na ring ngai; Yup hprang wa ai shaloi, na a hkumhkrang hpe mu yang, ngai myit dik na ring ngai.

SHAKAWN KUNGDAWN 73:24

Na hpaji daw ai hte nang ngai hpe woi la nna, Hpang jahtum e, hpung shingkang hte ngai hpe hkap la na rai nga ndai.

GA SHAGAWP 14:32

Tara n lang ai wa gaw tinang a n hkru ai hta kadawng mat nga ai; Dinghpring ai wa chyawm gaw, si wa yang, pyi, shingbyi shara mu nga ai.

HABAKU 3:18

Ngai gaw Yehowa hta kabu gara nga na nngai; Ngai hpe hkye hkrang la ai Karai Kasang hta sharawng awng nga na nngai.

MAHTE 25:21

Dai rai nna shi a madu, ‘Ara, kaja ai hte sadi dung ai mayam e: arai loi sha hta nang kangka rai nit dai; arai law law a ntsa e ngai nang hpe san tawn da na de ai: na madu a kabu gara ai hta shang lawm u,’ ngu nna shi hpe tsun wu ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe gaja wa teng teng tsun dan made ga, Ngai gaw sagu ni shang ai chyinghka hku rai nga nngai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 5:24

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

ROMA 11:20

Rai taw, rai u ga; shanhte gaw n kam n sham ai majaw gyi kau ai hkrum ma ai, nang mahtang gaw makam masham hte ngang hkang nga ndai. Myit hkum kaba et, hkrit kang nga u:

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

ROMA 14:4

Masha wa a shangun ma hpe jeyang ai wa e, nang gaw kaning san ai wa rai nga n ta? Tinang a madu a man e shi myi man pa na re ai, shing n rai, n pa na re ai; gaja wa shi pa na re ai; dai Madu gaw shi hpe shapa ya lu nga ai.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 3:23

Kaning rai nme law, yawng yubak galaw ma ai hte, Karai Kasang a arawng sadang hpe dumhprut kau nna,

ROMA 5:5

dai myit mada ai chyawm gaw, kaya kahpa jahkrum mi ai n rai: kaning rai nme law anhte hpe jaw da sai Chyoi pra ai Wenyi e Karai Kasang a tsawra ai myit, anhte a kraw lawang hta e ru bang ya ma ni ai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

ROMA 8:24

Kaning rai nme law, myit mada ai hte anhte hkye hkrang la ai hkam la saga ai; rai timung, mu lu ai arai hpe myit mada ai, ngu ai n rai nga ai; mu lu ai mahtang hpe kadai myit mada nga a ta?

1 KORINHTU 15:1

Bai hpunau ni e, ngai nanhte hpe tsun dan yu nna, nanhte mung hkam la ai hte, hkan nang yu manit dai kabu gara shiga a lam, ngai nanhte hpe naw shapraw shadan dan na made ai;

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

EHPESU 2:18

Kaning rai nme law, an lahkawng gaw shi a marang e, Wenyi langai sha hte Kawa hpang de shang wa na lam lu la sagaw ai.

EHPESU 3:12

Anhte a Madu Hkristu Yesu hte seng ai makam masham a marang e, nden ja ai myit hte n hkrit n kang let shang wa ai lam, anhte lu ga ai.

EHPESU 6:13

Dai re ai majaw, n hkru n hkra ai nhtoi hta nanhte ban hkum kau lu nna, lam shagu hte hpe shangut nhtawm, lahpran tsap nga lu myit ga, Karai Kasang a hpyen hking nlang hte hpe lang dagraw nga mu.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

SHINGRAN 21:11

Dai mare a htoi tu ala ai gaw, pat zawn san seng nna, hpu la ai nagahtoi lungseng hte bung nga ai:

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 21:3

Bai, dai tingnyang kata na nsen kaba gaw, “Yu mu, Karai Kasang a sum gaw shinggyim masha ni hte rau rai nga ai rai nna, shi shanhte hte rau hpawng de nga na hte, shanhte gaw shi a amyu ni tai na mara ai: Karai Kasang gaw shi hkum nan shanhte hte rau nga nga nna, shanhte a Karai Kasang tai na ra ai:

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.