ROMA 4:9 - Jinghpaw Hanson Version Bible

⁹ Shing nga sha-a ai gaw, matu gadoi hkam ai ni hpe sha, shing n rai, matu gadoi n hkam ai ni hpe mung, sha-a nga mu ni? Kaning rai nme law, kamsham ai gaw Abraham hta dinghpring ai ngu ya wu ai, nga nna anhte tsun ga ai.

Jinghpaw Common Language Bible 2009

⁹ Dawi tsun ai, ndai a lu ai lam gaw matu gadoi hkam ai ni hte sha seng nga a ni? Kaja wa n rai law! Dai gaw matu gadoi n hkam ai ni hte mung seng nga ai. Hpa majaw nga yang, “Abraham gaw Karai Kasang hpe kam sham wu ai majaw Karai Kasang gaw shi hpe ding hpring ai wa ngu nna hkap la wu ai,” nga nna Chyum Laika hta ka da ai ga hpe anhte tsun ga ai.

ROMA 4:9 ပူးပေါင်းရင်းမြစ်များ

NINGPAWT NINGHPANG 15:6

Abram mung Yehowa hpe kamsham wu ai rai nna, dai gaw shi a dinghpring ai lam ngu nna nawn ya wu ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

ROMA 4:10

Dai rai yang gaw, kaning rai ngu ya wu ta? Matu gadoi hkam ngut sayang, shing n rai, garai n hkam yang re ai, ngu ya nga wu ni? Matu gadoi hkam la ai hpang e n rai, garai n hkam yang she, rai nga sai.

ROMA 4:3

Dai Chyum Laika mahtang gaw kaning nga a ta? Abraham gaw Karai Kasang hpe kamsham nga ai rai nna, dai hpe dinghpring ai rai nga ai, shi a matu ngu ya wu ai, nga ai.

GALATI 3:14

shing rai Yesu Hkristu a marang e, Abraham a gumring gumrat chyeju gaw maigan masha ni hta byin wa lu na hte, anhte mung dai Wenyi a ga ndat hpe makam masham hte lu la na rai nga ga ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.