ROMA 3:9 - Jinghpaw Hanson Version Bible

⁹ Shaloi kaning kun? Anhte je jan nga ga ni? N rai law; kaning rai nme law, Yuda ni rai timung, Heleni ni rai timung, yawng yubak kap ai ni rai nga ma ai hpe, anhte shawng de kadeng dan saga ai.

Jinghpaw Common Language Bible 2009

⁹ Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 3:9 ပူးပေါင်းရင်းမြစ်များ

GA SHAGAWP 20:9

“Ngai gaw nye a myit masin hpe jasan jaseng nngai, Ngai yubak n kap nngai,” nga nna kadai wa tsun lu a ta?

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

LUKA 7:39

Yesu hpe shaga ai Hparishe wa dai mu jang, Ndai wa dai myihtoi rai yang gaw, shi hpe hkra ai numsha gaw, kadai hte kaning re ai numsha re ai mung, yubak kap ai jan rai nga ai mung, shi chye na wu ai, nga nna shi a kraw e myit nga ai.

ROMA 1:18

Kaning rai nme law, dai tengman ai lam hpe n ding n man ai hte dip shadang da ai masha ni a tara n hkungga ai hte n ding n man ai amu mahkra a ntsa e, Karai Kasang a masin pawt ai myit gaw, lamu de nna dan pru nga ai:

ROMA 11:32

Karai Kasang chyawm gaw, nlang hte hpe chyeju madun dan lu hkra, nlang hte hpe n madat n mara ai hta ban hkum da mu ai.

ROMA 11:7

Dai rai yang gaw, kaning law? Israela masha ni gaw, tinang tam ai lam hpe n dep ma ai; lata la hkrum ai ni mahtang gaw dep ma ai:

ROMA 2:1

Dai rai nna, masha kaga hpe jeyang ai wa e, na a mara raw na lam htum mat salit dai; kaning rai nme law, nang hkum jeyang nga nhtawm me dai amu hpe nan galaw ndai majaw, masha kaga hpe jeyang ai shaloi jang, na hkum hpe mahtang nang dawdan kau da wu ai.

ROMA 3:1

Dai rai yang gaw, Yuda wa kaning rai grau nga a ta? matu gadoi hkam ai mung, hpa akyu nga a ta?

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 3:5

Ya, anhte a n ding n hpring ai gaw, Karai Kasang a dinghpring ai hpe shapraw shadan dat a yang gaw, anhte kaning ngu tsun na rai ta? pawt bu ari jaw ai Karai Kasang gaw n ding n hpring na, n rai ni? (shing nga ai gaw, masha a hku hkan nna sha tsun nngai;)

ROMA 6:15

Dai rai yang gaw, kaning law? jep ai tara npu e n rai, chyeju npu e anhte rai nga ga ai majaw, yubak galaw na ga ni? Shing n rai u ga.

ROMA 7:14

Dai hta kaga, jep ai tara gaw wenyi tara rai nga ai anhte chye ga ai; ngai mahtang hkum shan myit sha rawng nna, yubak e mari ai mayam rai nga nngai.

1 KORINHTU 10:19

Ning nga ngai tsun ai gaw, hpa nga ai rai nga a ta? Sumla hpe nawng ai hkungga gaw lam la nga ai, sumla mung lam la nga ai, ngai tsun nga a ni?

1 KORINHTU 14:15

Shaloi kaning rai na rai ta? Nye a wenyi hte ngai akyu hpyi nna, nye a myit hte mung akyu hpyi na nngai; nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 4:7

Kaning rai nme law, kadai wa mi nang hpe ginhka shangun nga a ta? Hkam la ai sha n rai yang gaw, nang hpa lu nga a ta? Hkam la n yang gaw, n hkam la ai zawn, hpa majaw gumrawng nga n ta?

GALATI 3:10

Dai hta kaga, jep ai tara a magam bungli hta hpa ai ni kadai rai timung, dagam dala a npu e rai nga ma ai: kaning rai nme law, Tara laika hta ka da mada hte maren galaw na n shatup nga ai wa kadai rai timung, dagam dala hkrum na mara ai, nga nna ka da nga sai.

GALATI 3:22

Ya chyawm gaw, Yesu Hkristu hta e rai nga ai makam masham hte seng ai ga ndat gaw, kamsham ai ni hpe jaw ya lu mu ga, Chyum laika gaw yawng mayawng hte hpe yubak a npu e rawng da nu ai.

HPILIPI 1:18

Dai rai taw, kaning law? Sawt ai myit hte rai timung, tengman ai myit hte rai timung, lam shagu hta e Hkristu gaw kajai gara nga ai rai nna, dai hta e ngai kabu nga nngai, gaja wa, naw a kabu nga na nngai: