ROMA 3:3 - Jinghpaw Hanson Version Bible

³ Rai taw gaw? shanhte hta na nkau mi n kam n sham dam ma yang gaw, shanhte a n kam n sham ai gaw, Karai Kasang a sadi sahka hpe shabai lu na kun?

Jinghpaw Common Language Bible 2009

³ Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

ROMA 3:3 ပူးပေါင်းရင်းမြစ်များ

SHAKAWN KUNGDAWN 84:7

Shanhte n-gun bai jat la la rai nna, Ziun bum na Karai Kasang a man e du lu ma ai.

ESAIA 55:11

nye n-gup kaw na pru ai mungga mung, dai hte maren tai na ra ai: dai gaw ngai hpang de kaman nhtang wa na n rai; ngai ra ai hku shadik ya na ra ai; ngai shangun ai amu hta, awng wa na ra ai.

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

MAHTE 24:35

Sumsing lamu hte ginding aga lai mat wa timung, nye a ga gaw n lai mat na li ai.

YAWHAN 1:16

Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai.

ROMA 10:16

Rai timung, nlang hte wa dai kabu gara shiga hpe madat mara nga ma ai n rai. Kaning rai nme law, Esaia gaw, Madu e, anhte a shiga hpe kadai wa kamsham nga a ta? nga nna tsun ai.

ROMA 11:29

Karai Kasang a chyeju kumhpa ni hte shaga la ai lam chyawm gaw, myit dawm la shara n nga lu ai.

ROMA 9:6

Rai timung, Karai Kasang a mungga gaw kaman be be zawn tai wa sai n rai. Kaning rai nme law, Israela amyu yawng hte wa, Israela masha majing n rai ma ai:

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.

2 TIMOHTI 2:13

anhte kangka n rai lu timung, shi gaw kangka rai nga ai; kaning rai nme law, shi gaw shi hkum dai ndang kau lu ai n rai.

HEBRE 4:2

Kaning rai nme law, shanhte hpe kabu gara shiga hkaw dan ai zawn, anhte hpe mung hkaw dan ma ni ai; rai timung, dai na la ai mungga gaw, na la ai ni hta kamsham ai hte n kayau gumhpawn ai majaw, shanhte a matu akyu n byin malu ai.

1 SAMUELA 15:29

Dai hta n-ga, Israela Daru shingkang magam gaw, masu chye ai n rai, myit galai chye ai n rai; myit galai bai lu na gaw, shi shinggyim masha n rai,” ngu wu ai.