ROMA 2:2 - Jinghpaw Hanson Version Bible

² Shing rai galaw ai ni a ntsa e Karai Kasang a tara dara ai lam gaw, tengman ai lam hte maren rai nga ai, anhte chye nga ga ai.

Jinghpaw Common Language Bible 2009

² Shing re ai amu ni hpe galaw ai masha ni a ntsa e Karai Kasang jeyang daw dan ai gaw, teng man nga ai hpe anhte chye nga ga ai.

ROMA 2:2 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

YOBA 34:23

Masha gaw Karai Wa man e tara shang dara hkat na, shi gaw masha wa hpe sagawn yu ra ai, n rai.

SHAKAWN KUNGDAWN 145:17

Yehowa gaw lam shagu hta dinghpring nga ai rai nna, Shi a amu yawng hte hta chyeju madun nga ai.

SHAKAWN KUNGDAWN 9:4

Ngai hpang maga de nang tara dara nna dawdan ya nit dai; Dingman ai tara agyi nang rai nga ndai rai nna, dai tingnyang hta dung nga ndai.

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

ESAIA 45:19

Nsin sin ai lamu ga ginwang hkan e ngai mayun tsun ai, n rai; Ngai hpe kaman sha tam mi, nga nna Yaku a aru arat hpe ngai n tsun nngai: ngai Yehowa gaw dinghpring ai ga tsun nga nngai; tengman ai lam hpe ngai shana ya nngai.”

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

YEREMIA 12:1

Yehowa e, ngai nang hte dangrang htat yang, nang gaw dinghpring nga ndai; rai timung, tara dawdan ai lam nang hpe san yu na nngai: ataw, tara n lang ai ni gaw, hpa majaw awng lu ma ta? grai myit magaw ai ni yawng, hpa majaw ngwipyaw nga lu ma ta?

EZEKELA 18:25

“Rai timung nanhte gaw, ‘Madu jeyang ai lam ding ai n rai,’ nga nna tsun myit hka; Israela dap e, madat mara u; nye a lam ding nga ai, n rai ni? nanhte a lam mahtang n ding nga ai, n rai malit ni?

EZEKELA 18:29

Rai timung, Israela dap gaw, ‘Madu jeyang ai lam ding ai n rai,’ nga nna tsun ai. Israela dap e, nye a lam ding nga ai, n rai ni? nanhte a lam mahtang magaw nga ai, n rai malit ni?

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

ZEHPANI 3:5

De a ka-ang e nga ai Yehowa gaw dinghpring nga ai; shi gaw n shawp n kap ai amu galaw na n rai; jahpawt shagu tara malang ai hku, shi shapraw nna, dai gaw htum mat lu ai n rai; tara manai ai ni chyawm gaw kaya n chye ma ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 2:1

Dai rai nna, masha kaga hpe jeyang ai wa e, na a mara raw na lam htum mat salit dai; kaning rai nme law, nang hkum jeyang nga nhtawm me dai amu hpe nan galaw ndai majaw, masha kaga hpe jeyang ai shaloi jang, na hkum hpe mahtang nang dawdan kau da wu ai.

ROMA 2:3

Shing rai galaw ai ni hpe jeyang nga nhtawm, tinang nan hkan galaw ai wa e, Karai kasang a tara dara ai hta, lawt lu na re ai, nang nawn da wu ni?

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

ROMA 9:14

Dai re ai majaw anhte kaning ngu tsun na ma? Karai Kasang kaw n ding n hpring nga ai rai ni? Shing n rai law.

SHINGRAN 16:5

Shaloi hka sin ai lamu kasa gaw, “Ya aprat e, moi na aprat e, dinggrin anga nga ai Chyoi pra ai wa e, ning rai jeyang nga ndai majaw, nang gaw dinghpring nga ndai law;

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.