ROMA 10:3 - Jinghpaw Hanson Version Bible

³ Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

Jinghpaw Common Language Bible 2009

³ Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 10:3 ပူးပေါင်းရင်းမြစ်များ

NEHEMIA 9:33

Nang chyawm gaw, anhte hkrum sha ai lam shagu hta, dinghpring nga ndai; nang gaw kangka re ai hku galaw nit dai; anhte mahtang tara tawt lai sagaw ai:

YOBA 33:27

Bai shi gaw, “ngai shut ni ai; tengman ai lam hpe hkalau kau nngai; rai timung, matai htang ai n hkrum ai sha,

SHAKAWN KUNGDAWN 71:19

Karai Kasang e, na a dinghpring ai gaw grai tsaw nga ai: Magam amu shachyen ai Karai Kasang e, Nang hte kadai wa bung lu na rai nga a ta?

ESAIA 51:1

Dinghpring ai hku hkan nang nna, Yehowa hpe hkan tam ai ni e, nye a ga madat mara mu: nanhte hpe tawk la ai lunghkrung hte, nanhte hpe htu shapraw la ai nhkun hpe mada yu mu.

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

ESAIA 51:8

kaning rai nme law, hpun nba hpe manut e sha kau ai zawn, shanhte hpe sha kau nna, sagu mun hpe shingtai e sha kau ai zawn, shanhte hpe sha kau na mara ai: nye a dinghpring ai lam chyawm gaw, htani htana e, nye a hkye hkrang la ai lam gaw, prat mi hte prat mi, agrin nga na ra ai.

ESAIA 56:1

Yehowa ning nga ai: Nye a hkye hkrang la ai chyeju du na aten, nye a dinghpring ai lam shadan dan na aten, du magang ra ai majaw, tara hpe shatup nna, dinghpring ai amu galaw mu.

ESAIA 57:12

Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

SHARUNG SHAYAWT 3:22

Yehowa a chyeju majaw sha, anhte n htum mat ga ai; shi a matsan dum ai myit ma mat chye ai, n rai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

JAW JAU 26:41

ngai mung shanhte hte nhtan shai nna, masha tsasam a mung de sa kau ai hpe mung, dum nna yin la na mara ai: shing rai, shanhte a matu n gadoi ai myit hpe shagrit nna, ngai jahkrum ai ari hpe yin la ma yang gaw,

LUKA 10:29

Rai timung dai wa gaw shi a dinghpring ai shapraw dan mayu nna, “Nye htingbu wa gaw kadai wa rai na a ta?” ngu nna Yesu hpe tsun wu ai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

ROMA 1:17

Dai hta kaga, Dinghpring ai wa gaw kamsham ai hte hkrung nga lu na ra ai, nga nna ka da nga ai hte maren, kamsham ai hte lu la nna kamsham ai de ang wa ai, Karai Kasang a dinghpring ai lam hpe, dai hta e shadan dan nga ai.

ROMA 10:2

Kaning rai nme law, Karai Kasang a lam shanhte grai myit maju jung nga ma ai hpe, ngai shanhte a lam sakse hkam ya nngai: rai timung, chye chyang ai nyan hte n re ai sha,

ROMA 10:20

Dai hta kaga Esaia gaw, grai nden ja ai myit hte, “Ngai hpe n tam ai ni gaw, ngai hpe mu ma ni ai, Nye a lam n san yu ai ni kaw, ngai dan pru nngai,” nga ai, nga nna tsun ai.

ROMA 11:7

Dai rai yang gaw, kaning law? Israela masha ni gaw, tinang tam ai lam hpe n dep ma ai; lata la hkrum ai ni mahtang gaw dep ma ai:

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

ROMA 3:26

rai sa, ndai prat e shi a dinghpring ai lam hpe shadan dan na hte, Yesu hta kamsham ai wa hpe dinghpring shangun let, shi hkum nan dinghpring nga u ga she, Yesu a asai hta kamsham na marang e, shi gawng malai hkungga tai na, Karai Kasang gaw shi hpe shapraw dat wu ai.

ROMA 5:19

Kaning rai nme law, masha langai mi a n madat mara ai a majaw, ga daga hpe yubak kap ai ni ngu shatai mu ai hte maren, marai langai mi a madat mara ai lam majaw, lanlak hpe dinghpring ai ni ngu shatai na maru ai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

TARA JAHPRANG 6:25

Dai rai nna, anhte a Karai Kasang Yehowa anhte hpe hkang da sai hte maren, ndai hkang da sai matsun maroi ga nlang shi a man e hkan shatsup ga yang gaw, anhte a dinghpring ai tai na rai nga ai,’ ngu nna tsun dan na rai ndai.

HPILIPI 3:9

Dai hta n-ga Hkristu hpe ngai lum la lu nna, shi hta grin nga lu na hte, jep ai tara na nye a dinghpring ai n rawng ai sha, Hkristu a makam masham a marang e kamsham ai hte lu la ai Karai Kasang a dinghpring ai rawng nga let,

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.