PRU MAT 7:2 - Jinghpaw Hanson Version Bible

² Ngai nang hpe tsun matsun nang hti bang nna, Israela a kashu kasha ni hpe Hpara-u shi a mung na dat ya na lam na nhpu Arun gaw shi kaw tsun na rai wu ai.

Jinghpaw Common Language Bible 2009

² Ngai nang hpe hkang da mada mahkra Arun hpe tsun dan u. Shi gaw Israela amyu masha ni Egutu mung kaw na pru wa shangun lu na lam hkawhkam wa hpe tsun dan na ra ai.

PRU MAT 7:2 ပူးပေါင်းရင်းမြစ်များ

1 HKAWHKAM 22:14

Mihkaia gaw, “Yehowa hkrung nga ai hte maren, Yehowa ngai hpe tsun ai hte sha ngai htawn tsun na nngai,” ngu wu ai.

PRU MAT 4:15

Nang shi hte shaga nna ndai ga shi a n-gup hta hti bang ya na rai ndai; shing rai ngai gaw na n-gup hta mung, shi a n-gup hta mung rawng nga nna, nan kaning ngu tsun na gaw sharin ya na made ai.

PRU MAT 4:16

Shi gaw amyu masha ni a man e na a ga htawn tai nna, na n-gup a malai rai na ra ai; nang mung shi a matu Karai Kasang zawn tai na ra ai.

PRU MAT 5:1

Dai hpang Mawshe yan Arun gaw Hpara-u kaw shang nna, Israela a Karai Kasang Yehowa ning nga ai, “Nye a amyu masha ni nam e nye a matu poi sa galaw lu mu ga shanhte hpe dat dat mu, nga ai,” ngu nna sa tsun mu ai.

PRU MAT 6:29

“Ngai Yehowa rai nga nngai, ngai nang hpe hkang dat ai lam yawng Egutu hkawhkam Hpara-u hpe sa tsun su,” nga nna Mawshe hpe Yehowa tsun dat wu ai.

PRU MAT 7:6

Mawshe yan Arun mung Yehowa shan hpe hkang dat ai hte maren galaw ma ai.

YEREMIA 1:17

Dai re ai majaw nang gaw, shingkyit kyit nna rawt u; ngai nang hpe hkang da mada, shanhte hpe tsun dan mu: shanhte a man e ngai nang hpe n jahkrit shama kau u ga, shanhte hpe hkum hkrit et.

YEREMIA 1:7

Yehowa chyawm gaw, “Ngai ma naw rai nga nngai, nga nna hkum tsun et; kadai hpang de mung ngai nang hpe shangun yang, nang sa na ndai; ngai nang hpe htet da mada nang tsun na ndai.

EZEKELA 3:10

Bai shi gaw, “Masha kasha e, ngai nang hpe tsun na ra de ai ga mahkra, madat mara nna, kraw lawang hta matsing da u.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

KASA 20:27

Kaning rai nme law, Karai Kasang a ra ai hku hte tup, nanhte hpe hkaw dan na, ngai ginhtim yu nngai n rai.

TARA JAHPRANG 4:2

Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.