PRU MAT 40:9 - Jinghpaw Hanson Version Bible

⁹ Chya na namman mung nang la nna, sumpan nta hte dai hta rawng ai rai nlang hpe chya ai hte, dai sumpan nta hte dai hta rawng ai rai nlang hte hpe shachyoi shapra na rai wu ai: shing rai dai hte gaw chyoi pra nga na ra ai.

Jinghpaw Common Language Bible 2009

⁹ “Dai hpang chyoi pra ai namman sau hte Sum hte de a arung arai ni yawng hpe chya nna ap nawng na rai ndai; dai hte gaw chyoi pra nga na rai nga ai.

PRU MAT 40:9 ပူးပေါင်းရင်းမြစ်များ

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

PRU MAT 37:29

Manam pyaw ai baw hpaw chye ai wa hpaw ai hku, chya na matu chyoi pra ai namman mung, jet ai manam pyaw ai baw hpe mung, shi hpaw wu ai.

PRU MAT 39:39

magri tawn hkungri de a magri magrang, de a kandang hte dai hte seng ai rai nlang ntsin htung hte de a shadun ku;

PRU MAT 40:8

Dai wang grup dai wanggrang nang sharaw nna, wang chyinghka lam e chyinghka grang grang da na rai wu ai.

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

EZEKELA 28:14

Nang gaw namman chya hkam nna, yawng hpe ka-up ai Hkerub rai nga ndai; nye a ahkang hte Karai Kasang a chyoi pra ai bum ntsa e nang nga lu ndai: htoi kabrim ai lungseng ni a lapran e, nang hkawm chyai nga ndai.

JAW JAU 8:10

Bai, Yehowa hkang da sai hte maren Mawshe gaw chya na namman la nhtawm, sum hte dai sum a rai yawng hpe chya nna shachyoi shapra wu ai.

BU HKAWM 7:1

Ya Mawshe gaw dai sumpan sum hpe sharawt shadun nhtawm, dai hpe namman chya ai hte shachyoi shapra nna, dai hte seng ai arai ni mahkra hpe mung, tawn hkungri hte dai hte seng ai arai ni mahkra hpe mung, namman chya ai hte shachyoi shapra ngut ai shani e,

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

2 KORINHTU 1:22

shi gaw anhte hpe dazik shakap da nna, anhte a kraw lawang e Wenyi ngu ai masat dingsat jaw da ma ni ai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

HEBRE 9:21

Dai hta kaga, nawku sum hte daw jau ai amu a arai ni yawng hpe mung, shi dai hte maren, dai asai hte lapri bun wu ai.

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.