PRU MAT 22:1 - Jinghpaw Hanson Version Bible

¹ Masha langai ngai, usu shing n rai sagu lagu la nna, dai hpe sat kau ai rai timung, dut kau ai rai timung, usu langai mi a matu usu manga, sagu langai mi a matu sagu mali bai wa lu na rai wu ai.

Jinghpaw Common Language Bible 2009

¹ “Marai langai ngai dumsu kanu shing n rai sagu langai ngai lagu la nna sat kau ai shing n rai dut kau ai rai yang, dumsu kanu langai mat ai a matu dumsu kanu manga, sagu langai mi a matu sagu mali bai wa lu na rai nga ai.

PRU MAT 22:1 ပူးပေါင်းရင်းမြစ်များ

2 SAMUELA 12:6

matsan dum ai myit n rawng nna, shing rai galaw ai majaw, sagu kasha hpe htam mali wa lu na re ai,” ngu nna Nahtan hpe tsun wu ai.

PRU MAT 21:36

Usu dai shawng de daru ga nga ai hpe madu chye ninglen n dun n rem ai dat da ai rai yang gaw, shi gaw usu a matu usu wa lu na rai wu ai; shing rai nga si mang gaw shi la lu na rai wu ai.

GA SHAGAWP 14:4

Usu n rawng yang, ulawng san seng nga ai; Rai timung, usu n-gun marang e sut grai su nga ai.

GA SHAGAWP 6:31

Shi hpe mu hkrup yang, htam sanit nhtang ya na ra ai, Shi nta e nga ai sutgan yawng, wa kau na ra ai.

YEREMIA 2:34

Dai hta kaga, mara n kap ai matsan mayan ni a asai, na a hpun palawng hta kap nga ai hpe mu hkrup sai; shanhte gaw kashun kashe amu n galaw ma ai: rai timung dai zawn re ai ni mahkra hpe nang sat kau ndai.

EZEKELA 33:15

tang da ai arai hpe hkin ya, kashun la ai arai hpe nhtang ya nna, adip arip n galaw ai sha, hkrung ai lam hte seng ai tara hpe hkan yang, si na n rai, teng teng hkrung nga na ra ai.

BU HKAWM 5:7

tinang shut kau ai lam hpaw dan nna hpyi nem lu na rai wu ai: shut kau ai a matu htam manga hta htammi mung nawp nna, tinang shut kau ai wa hpe galaw lu na rai wu ai.

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.