PRU MAT 21:1 - Jinghpaw Hanson Version Bible

¹ Da ndai mung nang shanhte hpe dawdan ya na tara rai nga ai:

Jinghpaw Common Language Bible 2009

¹ “Israela masha ni hpe ndai hkan sa tara ni jaw ya u:

PRU MAT 21:1 ပူးပေါင်းရင်းမြစ်များ

TARA JAHPRANG 4:14

Nanhte wa nna madu sha nga na mungdan hta hkan nang lu na matu, ngai nanhte hpe sharin achyin ya na matsun maroi ga hte hkang ai tara ga ni hpe, dai shaloi e Yehowa ngai hta hkang da ni ai.

TARA JAHPRANG 6:20

Htawm hpang prat e na nsha gaw nang hpe, ‘Anhte a Karai Kasang Yehowa tawn da ya ai ndai sakse ga, matsun maroi hte dawdan ai tara gaw kaning re ai rai ta?'

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MALAHKI 4:4

Israela amyu ting a matu, Horeb bum e, nye a shangun ma Mawshe hpe, ngai hkang da ai jep ai tara, matsun maroi ga hte tara dara ai ga ni hpe, adum nga mu.

EZEKELA 20:25

Dai re ai majaw, n kaja ai tara ga hte, asak n jahkrung ya lu ai matsun maroi ga, ngai shanhte hpe jaw da nngai:

EZEKELA 20:11

Dai yang e ngai shanhte hpe nye a matsun maroi ga jaw da nna, nye a tara dara ai lam madun dan nngai: dai gaw hkan nang ai wa a hkrung nga na lam rai nga ai.

SHAKAWN KUNGDAWN 147:19

Shi gaw Yaku hta shi a mungga hpe, Israela hta shi a ga matsun hte, tara dara ai lam hpe, madun dan mu ai.

NEHEMIA 10:29

tinang a kahpu kanau ni hte agyi salang ni hta manoi nga ma ai rai nna, Karai Kasang gaw shi a shangun ma Mawshe a lata hta ap ya ai tara hpe hkan shatup na hte, anhte a Madu Yehowa hkang da ai ga, matsun maroi ga hte madat da ai ga yawng hkan nang na mung;

2 HKAWHKAM LABAU 19:10

Mare kahtawng ni hta nga ai, nanhte a nhpu nnau ni gaw, masha asak sat ai amu, jep ai tara hte htet da ai ga ni hpe tawt lai ai amu, nanhte a man e sa shawk ma yang, nanhte hte nanhte a nhpu nnau ni a ntsa e pawt sindawng ai n du lu u ga, shanhte Yehowa man e mara n kap hkra, shanhte hpe shadum jahprang nga mu; dai lam galaw yang, nanhte mara n kap na myit dai.

1 HKAWHKAM 6:12

“Ya nang gap da ai nta a lam gaw, nye a matsun maroi ga hta nang hkan hkawm nna, ngai hkang da ai ga hkan shatup let, ngai htet da da ai ga hkan shatup let, ngai htet da ai ga nlang hte hpe hkan galaw ndai rai yang gaw, na nwa Dawi hpe ngai tsun da ai ga hte maren, ngai nang hta e shagrin shadik na we ai.

TARA JAHPRANG 6:1

Nang hkum nan hte na a kashu kasha ni, na a Karai Kasang Yehowa hpe hkrit hkungga let, ngai nang hpe hkang da ya sai matsun maroi hte hkang da ai tara nlang hte hpe prat dingsa hkan nang lu na hte na a prat galu nga lit ga nga;

TARA JAHPRANG 5:31

Nang chyawm gaw ndai yang nye a makau e tsap nga ru; ngai shanhte hpe jaw tawn ai mung hta shanhte hkan nga na matu, nang shanhte hpe sharin achyin ya na hkang da mada, matsun maroi hte dawdan ai tara mahkra ngai nang hpe tsun hti de ga,’ nga nna ngai hpe tsun nngai.

TARA JAHPRANG 5:1

Shaloi Mawshe gaw Israela kashu kasha ni nlang hte hpe shaga nna, “Israela amyu e, dai ni ngai nanhte hpe shana da ai matsun maroi ga hte hkang da ai tara ga hpe sharin la nna hkan nang lu hkra sadi nga na matu, madat mara la maru.

TARA JAHPRANG 4:45

Egutu mung na shanhte pru wa ma yang, Hesbon e dung ai Amori hkawhkam Sihon a lamu ga, Yawdan hka sinpraw hkran, Bet-peora hte tawtap na kadit e, Mawshe, Israela kashu kasha ni hpe tsun da ai sakse ga, matsun maroi ga hte hkang da ai tara ga rai nga ai:

TARA JAHPRANG 4:8

Dai hta kaga, dai ni ngai nanhte hpe tawn da ya ai tara made dinghpring ai matsun maroi ga hte hkang ai tara ga gaw, amyu kaga gale ni hta kadai wa lu a ta?

TARA JAHPRANG 4:5

Yu u, nanhte wa nna shang sha lu ai mungdan hta hkan nang nga na matsun maroi ga hte hkang ai tara gaw, nye a Karai Kasang Yehowa tsun da ai hte maren ngai nanhte hpe sharin achyin da ma masade ai.

BU HKAWM 36:13

Dai hte gaw, Moba pa, Yawdan hka hkran, Yerihko tawtap e, Yehowa Mawshe a lata hte Israela kashu kasha ni hpe hkang da ai jep ai tara hte matsun maroi ga rai nga ai.

BU HKAWM 35:24

ndai tara lam hkan nna shawa hpung gaw, masha sat ai wa hte matai htang ai wa a lapran e hparan ya na rai mu ai:

JAW JAU 20:22

Shing rai, ngai nanhte hpe woi wa nna madu shangun ai mung gaw, nanhte hpe n nhpat kau u ga, ngai tawn da ai ga matsun yawng hte nye a tara mahkra hpe, nanhte hkan galaw lu na rai myit dai.

JAW JAU 19:37

Nanhte gaw, ngai tawn da ai tara hte nye a ga matsun yawng mayawng shatup nga na rai myit dai: ngai gaw Yehowa rai nga nngai.

JAW JAU 18:26

Nanhte chyawm gaw nye a tara hte ga matsun hkan shatup nga na rai myit dai:

JAW JAU 18:5

Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

PRU MAT 19:7

Shaloi Mawshe bai wa nna, dai amyu a agyi salang ni hpe shaga la nhtawm, Yehowa shi hpe htet dat ai ga mahkra, shanhte hpe tsun dan wu ai.

TARA JAHPRANG 15:12

Na a hpunau makyin Hebre amyu numsha, lasha yam nang mari yam ai rai yang, nang shi hpe kru ning sha yam sha lu na rai ndai; sanit ning ngu na hta shi hpe shabawn dat na rai ndai.