PRU MAT 2:3 - Jinghpaw Hanson Version Bible

³ Dai hpang n makoi da lu nna, dai hpe namsu hte hpun naw chya nhtawm, ma hpe dai hta bang nna, hka kau na mai-aw tu ai shara e shawaw tawn wu ai.

Jinghpaw Common Language Bible 2009

³ Rai ti mung dai numsha gaw shi hpe loi mi mung n lu makoi da lu sai majaw, mai-aw hpun hte galaw ai sumpu langai mi hpe la nhtawm dai hta hka n shang lu na matu namsu ni hte chya da wu ai. Shi gaw dai sumpu hta ma bang nhtawm hka kau na tsing galu tu ai shara hta tawn da wu ai.

PRU MAT 2:3 ပူးပေါင်းရင်းမြစ်များ

NINGPAWT NINGHPANG 11:3

Shaloi langai hte langai tinang a manang wa hpe, “Sa marit, anhte wut galaw nna ja hkra kabaw gaw,” nga nna tsun ma ai. Dai rai nna shanhte gaw nlung a malai awut, wut shakap na matu hka namsu lu la ma ai.

NINGPAWT NINGHPANG 14:10

Ya Sidim kadit hta hka namsu nhkun hkrai pri rai nga ai; shaloi Sodom hkawhkam yan Gomora hkawhkam gaw hprawng wa ma ai rai nna, dai hkan e hkrat shajang ma ai: lawt lu ai ni gaw dai bum ga de hprawng wa ma ai.

NINGPAWT NINGHPANG 6:14

Na a matu guhpra hpun hte sanghpaw li shachyaw u: dai sanghpaw li a kata e gawk kaji nang karan da na rai ndai; de a kata maga hte shinggan maga de mung, hpun naw nang chya na rai ndai.

PRU MAT 1:22

Bai Hpara-u gaw shi a mung masha ni nlang hte hpe hkang da nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

ESAIA 18:2

Larau ladau re ai shangun ma ni e, sa ma su; hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu ni jahka kau ai mungdan a amyu hpang de sa ma su, nga nna tsun ai mungdan e, madat u!

ESAIA 19:6

Hka shi ni gaw manam mat na ra ai; Egutu hka hkawng ni hkyet kan mat nna, mai-aw hte kungji ni hkraw mat na ra ai;

ESAIA 35:7

Kahtet kabrim ai zaibru jang hta hka lawng, hkraw hkun ai ga hta hka hpawk, hpaw na ra ai: nam gwi ni yup ai shara hta mai-aw hte hka shaman hpawn tsingdu tu na ra ai.

MAHTE 2:13

Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

MAHTE 2:16

Hpaji rawng ai ni Herod hpe hkalem kau ma ai, shi chye nga ai shaloi, shi ja ja masin pawt bu ai hte, hpaji rawng ai ni shi hpe madun dan ai aten sawn la nna, shi shangun dat nhtawm, Betlehem hte de a ginwang hkan e rawng nga ai, ni ning kaw nna lawu grit re ai lasha ma kaji nlang hte hpe, sat kau mu ai.

KASA 7:19

Dai hkawhkam wa gaw, anhte a baw sang ni hpe hpaji hte manai nna, ma chyangai ni hpe n jahkrung da lu hkra kabai kau na lam hte, ji wa ni hpe zingri zingrat mu ai.