PRU MAT 17:5 - Jinghpaw Hanson Version Bible

⁵ Dai rai nna Yehowa gaw Mawshe hpe, “Dai amyu masha ni a shawng e sa wa su; Israela a agyi salang ni nkau mi hpe mung shaga woi u; dai hka nu kayat ai na a dawhkrawng lang let sa wa su:

Jinghpaw Common Language Bible 2009

⁵ Dai Madu gaw Mawshe hpe, “Nang hte rau Israela ningbaw nkau mi hpe woi nna, amyu masha ni a shawng e sa wa mu; Nila hka nu kayat ai na a dawhkrawng hpe mung lang let sa wa su.

PRU MAT 17:5 ပူးပေါင်းရင်းမြစ်များ

SHAKAWN KUNGDAWN 74:15

Hka deng hte hka shi hpe nang shalwi nit dai; Tut tut a lwi nga ai hka nu ni hpe, nang shahkyet kau manu ai.

PRU MAT 14:16

Nang chyawm gaw na a dawhkrawng sharawt nna dai nawng ntsa de na lata ladawn ai hte dai hpe jahka u; shaloi Israela kashu kasha ni dai nawng hta hkarang hku hkawm sa wa na rai ma ai.

PRU MAT 3:16

Sa wa su, Israela a salang ni hpe jahpawng nhtawm shanhte hpe ning ngu mu: Nanhte a nji nwa ni a Karai Kasang, Abraham, Isak, Yaku kaw dan pru nna, Ngai nanhte hpe gaja wa kawan yu nna, Egutu mung e nanhte hpe di ai lam ngai mu se ai;

PRU MAT 3:18

Shanhte mung na a ga madat na ma ai; shing rai, nang hte Israela a salang ni gaw Egutu hkawhkam kaw shang nna, Hebre masha ni a Karai Kasang Yehowa gaw anhte hte hkrum sai; dai rai nna, anhte a Karai Kasang Yehowa hpe hkungga jaw lu na nam mali de lam masum ya sat sa lu na ahkang anhte hpe jaw mi, ngu nna shi hpe tsun na rai myit dai.

EZEKELA 2:6

Nang mung, masha kasha e, ju hpun hte tsamat hkrum nna, n-gawgawk hte shanu nga timung, shanhte hpe hkum hkrit, shanhte a ga hpe hkum kamang et; shanhte gumlau ai amyu rai nga timung, shanhte a ga hpe hkum hkrit, shanhte a n yawt ai myi man hpe hkum mak mat et.